Landakort

Gefur timburkeflum framhaldslíf sem sófaborð

"Það er náttúrulega bara algjör synd að láta þetta grotna niður eða farga þessu. Þetta er bara flott hráefni og verða flottar mublur þegar er búið að klappa þeim svoltið vel," segir Matthías Haraldsson sem dundar sér við það að pússa upp gömul kefli undan rafmagnsvírum og togvírum og búa til úr þeim sófaborð.

Matthías, vinnur sem öryggisstjóri í álverinu á Reyðarfirði en rekur líka vefverslunina Ethic með Hafrúnu eiginkonu sinni. "Þetta er netverslun þar sem við höfum verið að selja umhverfisvænan fatnað og skó. Allt framleit á umhverfsisvænan og sjálfbæran hátt," segir Matthías. Og borðin eru sprottin úr sömu hugmyndafræði. "Það er í rauninni bara verið að endurnýta eitthvað rusl sem er búið að þjóna sínum tilgangi. Þannig að það eru klárlega umhvefissjónarmið í því."

Landinn fékk að fylgjast með Matthíasi við smíðar.

Frumsýnt

14. feb. 2021

Aðgengilegt til

27. apríl 2024

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.