Klassíkin okkar

Klassíkin okkar

Í sjötta sinn efna Sinfóníuhljómsveit Íslands og RÚV til tónleika í beinni útsendingu frá Eldborg í Hörpu og þessu sinni hefur Þjóðleikhúsið slegist í hópinn. Tónleikarnir eru helgaðir leikhústónlist og listafólk Þjóðleikhússins, Sinfóníuhljómsveit Íslands og fjöldi einsöngvara flytur þjóðinni ástsælar leikhúsperlur. Hljómsveitarstjóri er Daníel Bjarnason og meðal leikara og einsöngvara sem koma fram eru Elmar Gilbertsson, Katrín Halldóra Sigurðardóttir, Jóna G. Kolbrúnardóttir, Emilíana Torrini, Jóhann Sigurðarson, Salka Sól, Kristjana Stefánsdóttir, Lay Low og Vigdís Hrefna Pálsdóttir. Einnig kemur fram söngsveitin Fílharmonía og leikhópur Þjóðleikhússins. Kynnar kvöldsins eru Halla Oddný Magnúsdóttir og Guðni Tómasson. Stjórn útsendingar: Helgi Jóhannesson.