24 stærstu sveitarfélög landsins keppa sín á milli í skemmtilegum spurningaleik. Sigmar Guðmundsson og Þóra Arnórsdóttir stýra þættinum. Dómari og spurningahöfundur er Ólafur Bjarni Guðnason. Útsendingu stjórnar Helgi Jóhannesson.
Spurningakeppni sveitarfélaganna. Lið Árborgar og Ísafjarðarbæjar eigast við. Lið Árborgar skipa: Þorsteinn Tryggvi Másson, Hanna Lára Gunnarsdóttir og Páll Óli Ólason. Lið Ísafjarðarbæjar skipa: Guðný Harpa Henrýsdóttir, Jóna Símonía Bjarnadóttir og
Ólafur Halldórsson. Umsjónarmenn: Sigmar Guðmundsson og Þóra Arnórsdóttir. Spurningahöfundur og dómari: Ólafur B. Guðnason. Aðstoð við dagskrárgerð: Sigríður Þóra Ásgeirsdóttir. Dagskrárgerð: Helgi Jóhannesson.
Þáttaröð þar sem heimur íslenskrar sögu og sagna er kannaður með því að skoða muni sem tengjast sérstökum atburðum í sögu þjóðarinnar. Umsjón: Viktoría Hermannsdóttir og Sigurður Helgi Pálmason. Framleiðsla: Republik.
Fyrir nokkrum árum fundust í kjallara Sálarrannsóknafélags Íslands hljóðupptökur á stálþráðum sem sagðar eru vera frá upphafsárum félagsins á Íslandi. Margir þekktir miðlar hafa starfað á vegum félagsins en hvað leynist á upptökunum og er hægt að hlusta á þær? Við kynnum okkur skilaboð að handan, sögu spíritisma og reynum að finna út hvort hægt sé að hlusta á upptökurnar.
Íslenskir lífstíls- og matarþættir þar sem þeir Dóri DNA og Gunnar Karl Gíslason, Michelin-kokkur, ferðast um landið, kynnast áhugaverðu fólki og fræðast um menningu, listir, mat og nýsköpun í nýtingu auðlinda. Á leið sinni á hvern áfangastað safna þeir hráefnum sem Gunnar Karl nýtir til matreiðslu í lok hvers þáttar með dyggri aðstoð heimamanna. Leikstjórn: Hannes Þór Arason. Framleiðsla: Gamli Blakkur, Fígúra og Lilja Jóns.
Dóri og Gunnar Karl fljúga vestur á Ísafjörð og leggja hluta Vestfjarða undir fót. Þeir fara um Önundarfjörð þar sem þeir fá ferska hörpuskel, kíkja á Þingeyri og halda veglega grillveislu á Flateyri.
Krúttlegir og vinalegir þættir fyrir þau allra yngstu. Molang er búttaður lítill „kanínugrís“. Hún er sérvitur, glaðvær og áhugasöm. Besti vinur hennar er litli hænuunginn Piu Piu. Molang er kóresk teiknimyndapersóna og afskaplega vinsæl í heimalandinu.
Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Urður Örlygsdóttir og Viktoría Hermannsdóttir.
Willum Þór Þórsson, fyrrverandi alþingismaður og heilbrigðisráðherra, var kjörinn forseti Íþróttasamands Íslands um helgina. Og nýs forseta bíða ærin verkefni. Willum Þór er gestur Kastljóss í kvöld.
Listaháskóli Íslands tók ákvörðun um að afnema tölulega einkunnagjöf í öllum deildum skólans árið 2019. Þetta breytta fyrirkomulag hefur orðið til þess að nemendur við arkitektúrdeild skólans hafa fengið synjun á skólavist erlendis vegna ófullnægjandi einkunnagjafar og skorts á viðmiðum. Arkitektafélag Íslands sendi bréf á rektor Listaháskólans og menningar- og háskólaráðherra í lok síðasta mánaðar þar sem farið er fram á tafarlausar úrbætur á einkunnakerfinu.
Heiðrún Lind Marteinsdóttir, framkvæmastjóri Samtaka fyrirtækja í sjávarútvegi og Daði Már Kristófersson, fjármálaráðherra verða gestir Torgsins annað kvöld, sem verður í beinni útsendingu frá samkomuhúsinu í Grundarfirði. Umfjöllunarefni þáttarins eru breytingar á veiðigjöldum, sem stjórnvöld stefna að og forsvarsmenn sjávarútvegsfyrirtæja hafa mótmælt harðlega. En hvað eru eiginlega veiðigjöld? Við förum í kjölinn á því.
Þriðja þáttaröð finnskra spennuþátta um lögreglukonuna Hilkku Mäntymäki. Dóttir stjórnmálamanns á Kanaríeyjum og eiginmaður hennar finnast látin í finnsku borginni Oulu og Hilkka fær aðstoð fyrrum samstarfsfólks síns í spænsku lögreglunni við rannsókn málsins. Aðalhlutverk: Riitta Havukainen, Fran Pérea og Marìa Romero. Þættirnir eru ekki við hæfi barna yngri en 12 ára.
Nýjustu fréttir og íþróttir kvöldsins. Alla mánudaga til fimmtudaga.
Veðurfréttir
Sigríður Hagalín Björnsdóttir, Valgeir Örn Ragnarsson og Bergsteinn Sigurðsson fá til sín gesti til að kryfja með sér atburði liðinnar viku og pólitískt landslag hverju sinni.
Tugir þúsunda keyptu hlut í Íslandsbanka í síðustu viku. Til að fara yfir útboðið, stöðuna á bankamarkaði og fleira koma þau Konráð S. Guðjónsson hagfræðingur, Guðrún Johnsen deildarforseti viðskiptadeildar Háskólans á Bifröst og Haukur Skúlason stofnandi og fyrrum framkvæmdastjóri í Indó sparisjóði.
Þá greinum við stöðu mála í innrásarstríði Rússa í Úkraínu eftir að friðarviðræður í síðustu viku skiluðu litlum árangri. Gestir eru Jón Ólafsson prófessor og sérfræðingur í málefnum Rússlands og Erlingur Erlingsson hernaðarsagnfræðingur.
Breskir heimildarþættir sem skoða kvikmyndasöguna í gegnum linsu kvikmyndagerðakvenna. Þættirnir skiptast í 40 kafla sem taka fyrir ólíkar hliðar kvikmyndagerðar og eingöngu er stuðst við dæmi úr kvikmyndum sem konur leikstýra. Sögukonur eru Tilda Swinton, Jane Fonda, Debra Winger, Adjoa Andoh, Kerry Fox, Thandie Newton og Sharmila Tagore. Leikstjóri: Mark Cousins. Þættirnir eru ekki við hæfi barna yngri en 12 ára.
