https://www.ruv.is/hladvarpÞröstur Helgason ræðir við forvitnilegt fólk um reynslu þess og viðhorf.isRÚVSun, 03 Jul 2022 09:03:00 -0000falseRÚVserialRÚVhladvarp@ruv.ishttps://ruv-radio.akamaized.net/opid/5311474D1.mp3Gestur þáttarins er?Silja Bára Ómarsdóttir, prófessor í stjórnmálafræði við Háskóla Íslands. Silja Bára tók nýlega við starfi formanns Rauða Krossins á Íslandi. Rætt er við hana um starf Rauða krossins, hlutverk hans og verkefnin framundan. Í seinni hluta þáttarins verða bandarísk stjórnmál á dagskrá, nýleg ákvörðun Hæstarétts þar í landi um að fella úr gildi úrskurð dómstólsins um frelsi kvenna til þungunarrofs og komandi kosningar til Bandaríkjaþings í haust.Sun, 03 Jul 2022 09:03:00 -00000:51:25false70fullhttps://ruv-radio.akamaized.net/opid/5311473D2.mp3Gestur þáttarins er Arnþór Gunnarsson sagnfræðingur og höfundur nýs rits um Hæstarétt Íslands í hundrað ár. Arnþór rekur ýmsa forvitnilega þætti í sögu Hæastaréttar í riti sínu en sennilega eru átök um störf og ráðningar í réttinn hvað áhugaverðasti hluti sögunnar. Rætt er við Arnþór um þessa hluti en einnig er snert á ýmsum öðrum deilum um Hæstarétt þessi hundrað sem oftast hafa snúist um sjálfstæði réttarins gagnvart framkvæmdavaldinu og hinu pólitíska sviði almennt.Sun, 26 Jun 2022 09:03:00 -00000:51:37false69fullhttps://ruv-radio.akamaized.net/opid/5311472D2.mp3Gestur þáttarins er?Vigdís Jakobsdóttir, listrænn stjórnandi Listahátíðar í Reykjavík. Rætt er við Vigdísi um hátíðina, hlutverk hennar, rekstur, dagskrá og framtíð.Sun, 05 Jun 2022 09:03:00 -00000:50:32false68fullhttps://ruv-radio.akamaized.net/opid/5311471D2.mp3Gestur þáttarins er Baldur Þórhallsson, prófessor í stjórnmálafræði við Háskóla Íslands. Baldur hefur rannsakað samskipti smáríkisins Íslands við umheiminn um árabil og sendi nýlega frá sér bók um alþjóðasamskipti Íslands frá landnámi til lýðveldisstofnunar. Rætt er við Baldur um efni þessarar bókar en sjónum er einnig beint að samtíma okkar, breytingunum sem eru að eiga sér stað í alþjóðakerfinu með innrás Pútíns í Úkraínu og hugsanlegan sofandahátt í aðdraganda innrásarinnar.Sun, 29 May 2022 09:03:00 -00000:52:54false67fullhttps://ruv-radio.akamaized.net/opid/5311470D1.mp3Gestur þáttarins er Kjartan Atli Kjartansson, sjónvarpsmaður á Stöð tvö sport og körfuboltasérfræðingur. Úrslitakeppnin í körfubolta kvenna lauk um síðustu helgi með sigri Njarðvíkur og um þessa helgi hefst úrslitaeinvígi Tindastóls og Vals í karlaflokki en úrslitakeppnirnar hafa báðar vakið mikla athygli enda gríðarlega spennandi. Leikinn hefur verið glæsilegur körfubolti í þessum keppnum og raunar eru flestir sammála um að íslenskur körfubolti hafi tekið stórfelldum framförum á síðustu árum. Það sést ekki aðeins á leik félagsliðanna hér heima heldur einnig árangri landsliða okkar og einstakra leikmanna sem margir hverjir leika nú við sterkustu deildir Evrópu. Þessi uppgangur hefur svo endurspeglast í frábærri umfjöllun Kjartans Atla og félaga á Stöð tvö sport síðustu ár. Sú sjónvarpsstöð er einnig heimili NBA-körfuboltans hér á landi en þar stendur nú yfir úrslitakeppni í austur- og vesturdeild sem á undanförnum árum hefur sjaldan verið jafn spennandi og góð. Rætt er við Kjartan Atla um uppgang körfuboltans hér á landi, úrslitakeppnir hérlendis og vestanhafs, framfarirnar undanfarin ár, útrás íslenskra körfuboltamanna, spurninguna um fleiri eða færri erlenda leikmenn í íslensku deildinni, afreksstefnuna og síðast en ekki síst sjónvarpsþætti hans um íslenska körfuboltann sem vafalítið eiga þátt í þeim uppgangi sem orðið hefur í íþróttinni á síðustu árum.Sun, 08 May 2022 09:03:00 -00000:50:28false66fullhttps://ruv-radio.akamaized.net/opid/5311469D2.mp3Gestur þáttarins er Andri Snær Magnason, rithöfundur. Orkumál hafa verið til umræðu í þessum þætti á undanförnum vikum, spurningar um fleiri vatnsaflsvirkjanir hafa verið ræddar, sömuleiðis vangaveltur um aðra orkukosti eins og vindorku og kjarnasamruna. Talað hefur verið um að orkuskortur blasi við, ekki síst í ljósi nýrra markmiða um kolefnishlutlaust Ísland árið 2040 eða eftir átján ár. Það markmið virðist óraunhæft nema eitthvað mikið breytist í nýtingu þeirrar orku sem þegar er framleidd í landinu. Ef ekkert breytist í þeim efnum kallar kolefnishlutleysi á ríflega tvöföldun á orkuframleiðslu í landinu og ljóst er að slíkar framkvæmdir myndu kalla á harða umræðu um náttúruverndarsjónarmið en í síðasta þætti benti forstjóri Landsvirkjunar á að þau sjónarmið virtust takast á við loftlagssjónarmiðin og það markmið að ná kolefnishlutleysi á næstu áratugum. Rætt er við Andra Snæ Magnússon um þessa flóknu mynd sem virðist vera að teiknast upp í orku-, umhverfis- og loftslagsmálunum hér á landi.Mon, 25 Apr 2022 02:25:00 -00000:51:55false65fullhttps://ruv-radio.akamaized.net/opid/5311468D1.mp3Gestur þáttarins er Hörður Arnarson, forstjóri Landsvirkjunar. Rætt er við Hörð um orkumál, hlutverk Landsvirkjunar, áskoranir sem tengjast virkjun vatnsafls, öðrum orkukostum og samþættingu náttúruverndar- og loftslagssjónarmiða í því tilliti.Mon, 11 Apr 2022 02:25:00 -00000:50:00false64fullhttps://ruv-radio.akamaized.net/opid/5311467D2.mp3Gestur þáttarins er Hallgrímur Helgason, rithöfundur. Hallgrímur hlaut fyrr í vetur íslensku bókmenntaverðlaunin fyrir annað bindið í sögunni um Eilíf bónda, son hans Gest og fólkið í Segulfirði, Sextíu kíló af kjaftshöggum en hann fékk verðlaunin einnig fyrir fyrri bókina, Sextíu kíló af sólskini. Rætt er við Hallgrím um skrif hans og skáldskapinn almennt, hverju skiptir hann til dæmis nú þegar stríð geysar, hver eru viðhorf Hallgríms til skáldskaparins og hvernig hafa þau breyst í gegnum tíðina, og hvernig er sambúð rithöfundarins við myndlistarmanninn?Mon, 04 Apr 2022 02:25:00 -00000:50:03false63fullhttps://ruv-radio.akamaized.net/opid/5311466D0.mp3Gestur þáttarins er Auður Önnu Magnúsdóttir, framkvæmdastjóri Landverndar. Á undanförnum vikum hafa orkumál verið rædd svolítið hér í þættinum og ætlunin er að halda því áfram enda hefur umræða um nýjar virkjanir verið sett á dagskrá af forstjóra Landsvirkjunar í kjölfar nýs stjórnarsáttmála sem kynntur var í desember. Rætt er við Auði um þá stöðu sem er komin upp í orkumálum, möguleikana á því að ná kolefnishlutleysi eftir átján ár, virkjunarkosti, aðra orkukosti, en sérstaklega náttúruverndar- og loftslagssjónarmið sem eiga líklega eftir að vega þungt í þeim ákvörðunum sem teknar verða á næstu misserum og árum.Mon, 28 Mar 2022 02:25:00 -00000:50:01false62fullhttps://ruv-radio.akamaized.net/opid/5311465D0.mp3Gestur þáttarins er Halla Hrund Logadóttir, orkumálastjóri. Umræðan um orkumál, fleiri vatnsaflsvirkjanir og aðra orkukosti fór af stað með endurnýjuðum krafti í desember síðastliðnum eftir að nýr stjórnarsáttmáli var kynntur með því markmiði að Ísland myndi ná kolefnishlutleysi árið 2040 eða eftir 18 ár. Umræðan hefur síðan að miklu leyti snúist um orkuskort og mögulega virkjunarkosti til þess að bæta úr þeim skorti. Ég ætla að ræða við Höllu Hrund um þessa flóknu stöðu, möguleikana á því að ná kolefnishlutleysi eftir átján ár, virkjunarkosti, náttúruverndar- og loftslagssjónarmið sem og aðrar áskoranir og tækifæri í orkumálum þjóðarinnar.Mon, 21 Mar 2022 02:25:00 -00000:50:00false61fullhttps://ruv-radio.akamaized.net/opid/5311464D0.mp3Gestur þáttarins er Valur Gunnarsson, sagnfræðingur og rithöfundur, en á síðasta ári sendi hann frá sér bókina Bjarmalönd sem fjallar um Rússland, Úkraínu og nágrenni í nútíð, fortíð og framtíð. Rætt er við Val um þetta svæði heimsins sem logar nú eftir að Pútín Rússlandsforseti réðist inn í Úkraínu. Hvað gengur Pútín til? Hver er forsagan? Hvert er viðhorf almennings til Pútíns og annarra leiðtoga á svæðinu? Hvers vegna fór þetta svona og hverjar verða líklegar afleiðingar þessa stríðs?Sun, 06 Mar 2022 09:03:00 -00000:49:59false60fullhttps://ruv-radio.akamaized.net/opid/5311463D2.mp3Gestir þáttarins eru Ármann Jakobsson og Ásta Kristín Benediktsdóttir sem bæði eru bókmenntafræðingar og höfundar upphafs og lokakafla nýrrar íslenskrar bókmenntasögu sem kom út hjá Hinu íslenska bókmenntafélagi í lok síðasta árs. Rætt er við þau um þetta verk, áherslur þess og vandann við ritun bókmenntasögu yfirleitt.Sun, 27 Feb 2022 09:03:00 -00000:50:00false59fullhttps://ruv-radio.akamaized.net/opid/5311462D1.mp3Gestur þáttarins er Guðrún Arnbjörg Sævarsdóttir, dósent í verkfræði við Háskólann í Reykjavík og sérfræðingur í orkumálum en hún er einnig sæti í verkefnastjórn um rammaáætlun. Fyrir rúmri viku síðan barst frétt um að framþróun hefði orðið í aðferðum við að búa til orku með kjarnasamruna. Sú aðferð er umhverfisvænni en þær sem notaðar eru nú við orkuframleiðslu og mun þegar fram líða stundir breyta mjög miklu. Rætt er við Guðrúnu um þessa nýju tækni en einnig um þá flóknu stöðu sem upp er komin í orkuframleiðslu, orkunotkun og hvað varðar orkuskipti hér á landi - og heiminum öllum.Sun, 20 Feb 2022 09:03:00 -00000:47:59false58fullhttps://ruv-radio.akamaized.net/opid/5311461D1.mp3Gestir þáttarins eru?Jón Ólafsson og Rósa Magnúsdóttir sem bæði eru sérfróð um rússnesk málefni en í þættinum er rætt hvort, hvenær og hvers vegna Rússar gætu mögulega ráðist inn í nágrannaríki sitt Úkraínu.Sun, 06 Feb 2022 09:03:00 -00000:50:34false57fullhttps://ruv-radio.akamaized.net/opid/5311460D2.mp3Gestur þáttarins er Úlfar Bragason, bókmenntafræðingur. Úlfar sendi nýlega frá sér bókina Reykjaholt Revisited en í henni er fjallað um Snorra Sturluson í Íslendinga sögu Sturlu Þórðarsonar, bróðursonar Snorra. Rætt er við Úflar um þessa bók, um rannsóknir á Sturlunga sögu í gegnum tíðina og framlag hans sjálfs til þeirra, um Íslendingasögu, um Snorra og fólkið í kringum hann.Sun, 30 Jan 2022 09:03:00 -00000:50:41false56fullhttps://ruv-radio.akamaized.net/opid/5311459D1.mp3Gestur þáttarins er Fríða Ísberg, rithöfundur. Fríða sendi frá sér skáldsöguna Merkningu fyrir jól en hún hefur áður vakið athygli fyrir ljóðabækurnar Slitförin og Leðurjakkaveður og smásagnasafnið Kláða sem tilnefnt var til bókmenntaverðlauna Norðurlandaráðs. Rætt er við Fríðu um skrif hennar en hún er líka spurð út í bókmenntir á 21. öld, fagurfræði, umfjöllunarefni skáldskaparins, áhrifavalda hennar, lestur og aðra menningarneyslu.Sun, 23 Jan 2022 09:03:00 -00000:52:45false55fullhttps://ruv-radio.akamaized.net/opid/5311458D2.mp3?Hildur Björnsdóttir, borgarfulltrúi Sjálfstæðisflokksins í Reykjavíkurborg, er gestur þáttarins. Hildur tilkynnti nýlega að hún biði sig fram til forystu í borgarstjórnarflokki Sjálfstæðisflokksins í Reykjavík en hún hefur verið borgarfulltrúi flokksins síðan 2018. Rætt er við Hildi um nokkur málefni sem snerta borgina, umhverfismál, loftlagsmál og hvernig þau tengjast stefnu borgarinnar um þéttingu byggðar, borgarlínu og einkabílinn. Hildur er einnig spurð um kynslóðaskipti í borgarstjórnarflokki Sjálfstæðisflokksins, hvernig fortíðin blasi við henni og framtíðin. Og við ræðum líka hvernig pólitíkin blasir við ungu fólki en Hildur hóf störf sem borgarfulltrúi rétt ríflega þrítug.Sun, 16 Jan 2022 09:03:00 -00000:49:33false54fullhttps://ruv-radio.akamaized.net/opid/5311457D1.mp3Gestur þáttarins er Guðni Elísson, prófessor í bókmenntafræði við Háskóla Íslands og rithöfundur. Guðni sendi nýlega frá sér sína fyrstu skáldsögu, Ljósgildruna, sem vakið hefur talsverða athygli. Bókin er samtímasaga, varpar upp mynd af íslensku bókmenntalífi, menningarlífi og stjórnmálalífi þar sem við sögu koma ýmsar þekktar stærðir á borð við forseta Íslands, formann Sjálfstæðisflokksins og, að sumum finnst, þekktar persónur úr röðum menningarforkólfa þessa lands. Bókinni hefur verið lýst sem lykilsögu og skálkasögu. Hún er 800 blaðsíður að lengd og höfundur hefur bent á að byggingu hennar megi meðal annars miða út frá prósentutölum sem finna má á blaðsíðum bókarinnar. Rætt er við Guðna um þetta forvitnilega verk.Sun, 19 Dec 2021 09:03:00 -00000:51:17false53fullhttps://ruv-radio.akamaized.net/opid/5311456D1.mp3Gestur þáttarins er Dagur B Eggertsson, borgarstjóri Reykjavíkur. Dagur sendi nýlega frá sér ritið Nýja Reykjavík. Umbreytingar í ungri borg, en bókin er í senn pólitísk saga hans sjálfs og saga Reykjavíkur á síðustu tveimur áratugum. Rætt er við Dag um þá borgarþróun sem bókin lýsir, hugmyndina um þéttingu byggðar, átökin um hana og verkefni sem henni tengjast eins og flugvallarmálið og Borgarlínuna. Bókin er að ýmsu leyti óvenjuleg í íslensku samhengi, hún lýsir hugmyndafræðilegri sýn og baráttu við að koma henni í framkvæmd, en hún er jafnframt persónulegt uppgjör og opinská þroskasaga stjórnmálamanns sem stundum hefur þótt óljós og hafa tilhneigingu til að drepa málum á dreif með orðalengingum. Pólitískt bit þessarar bókar kemur því að sumu leyti á óvart á sama tíma og hún vekur spurningar um það hvert Dagur stefnir á sínum pólitíska ferli.Sun, 12 Dec 2021 09:03:00 -00000:52:39false52fullhttps://ruv-radio.akamaized.net/opid/5311455D1.mp3Gestur þáttarins er?Haukur Ingvarsson, bókmenntafræðingur. Haukur sendi nýlega frá sér bókina, Fulltrúi þess besta í bandarískri menningu, en hún fjallar um orðspor Williams Faulkner í íslensku menningarlífi á árunum 1930 til 1960. Í bókinni dregur Haukur upp forvitnilega mynd af bókmennta- og menningarlífi þessara þriggja áratuga með hliðsjón af áhrifum bandaríska rithöfundarins Williams Faulkner og annarra amerískra menningaráhrifa hér á landi. Í bókinni eru til dæmis dregnar fram áhugaverðar heimildir um að bandaríska leyniþjónustan hafi beitt sér til þess að koma amerískum áhrifum inn í íslenskt menningarlíf.Sun, 05 Dec 2021 09:03:00 -00000:51:29false51fullhttps://ruv-radio.akamaized.net/opid/5311454D1.mp3Eiríkur Rögnvaldsson og Sigríður Sigurjónsdóttir, málfræðingar, eru gestir þáttarins. Þau Eiríkur og Sigríður stýrðu stóru rannsóknarverkefni um stafrænt sambýli íslensku og ensku. Niðurstöður rannsóknarinnar sýna að nokkuð hallar á íslenskuna í þessari sambúð. Og almennt er tilfinningin líklega sú að íslensku máli hnigni. Ég ætla að ræða við Eirík og Sigríði um niðurstöður rannsóknarinnar og stöðu íslenskrar tungu í heimi sem tekur hröðum breytingum, meðal annars í stafrænum miðlum.Sun, 07 Nov 2021 09:03:00 -00000:49:55false50fullhttps://ruv-radio.akamaized.net/opid/5311453D1.mp3Steinunn Sigurðardóttir, rithöfundur, er gestur þáttarins. Steinunn sendi nýlega frá sér leiksöguna, Systu megin, en þar fjallar hún um utangarðskonu í Reykjavíkurborg og bróður hennar sem sömuleiðis hefur alist upp við bágar aðstæður og er utanveltu í samfélaginu.Rætt er við Steinunni um þessa nýju bók en einnig skrifin sem undanfarin ár hafa að mestu farið fram annars staðar en á Íslandi, sjónarhorn hins brottflutta, íslenskt samfélag og tunguna sem er verkfæri skáldsins.Sun, 24 Oct 2021 09:03:00 -00000:51:32false49fullhttps://ruv-radio.akamaized.net/opid/5311452D1.mp3Gestur þáttarins er Þorgerður L Diðriksdóttir, formaður Félags grunnskólakennara. Þorgerður hefur langa reynslu sem kennari og forystumaður innan samtaka kennara og hefur þannig komið að málefnum íslenska skólakerfisins úr ýmsum áttum. Rætt er við hana um breyttar aðstæður kennara inni í grunnskólum landsins þar sem samskipti við bæði nemendur og foreldra verða æ flóknari og erfiðari. Við ræðum ofbeldi sem kennarar verða fyrir, stöðu drengja innan íslenska grunnskólans, niðurstöður PISA-könnunarinnar sem gefa vísbendingu um að ástandið sé ekki nægilega gott og hvað er til ráða.Sun, 17 Oct 2021 09:03:00 -00000:52:52false48fullhttps://ruv-radio.akamaized.net/opid/5311451D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er er Gunnar Helgi Kristinsson, prófessor í stjórnmálafræði við Háskóla Íslands. Gunnar Helgi hefur sent frá sér rit um Elítur og valdakerfi á Íslandi. Í ritinu heldur Gunnar Helgi því fram að þróun hafi orðið á Íslandi frá valdakerfi þar sem embættismenn og önnur elíta með sterk ættartengsl réði á nítjándu öld til flokksræðis á þeirri tuttugustu, þar sem stjórnmálaelítan fór með völdin, en á síðustu áratugum hafi orðið til eins konar margræði þar sem ólíkir elítuhópar í samfélaginu fari með völdin. Rætt er við Gunnar Helga um þessa þróun, kosti og galla ólíkra valdakerfa, áhrif og styrk ólíkra hópa og hlutverk lýðræðisins í valdakerfi samtímans.Sun, 10 Oct 2021 09:03:00 -00000:50:57false47fullhttps://ruv-radio.akamaized.net/opid/5311450D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Ásmundur Stefánsson, hagfræðingur. Ásmundur sendi nýlega frá sér þýðingu á riti eftir danska fræðimanninn Frederik Stjernfelt sem heitir Sjö goðsagnir um Lúther. Í ritinu er leitast við að fletta ofan af ýmsum goðsögnum um Martein Lúther, upphafsmann mótmælendahreyfingarinnar innan rómversk kaþólsku kirkjunnar sem þróaðist í evangelísku lúthersku kirkjuna. Goðsagnirnar sem átt er við eru meðal annars þær að Lúther hafi komið á trúfrelsi, tjáningarfrelsi og frjálsri hugsun, að Lúther hafi skilið á milli ríkis og kirkju, að Lúther hafi stuðlað að því að lýðræði spratt upp og að Gyðingahatur Lúthers hafi ekki haft nein áhrif. Rætt er við Ásmund um þetta forvitnilega rit sem hefur vakið sterk viðbrgöð í Danmörku og goðsagnirnar sem það ræðst gegn, en í lok þáttar er Ásmundur líka spurður stuttlega út í þau verkefni sem blasa við í íslenskum efnahagsmálum.Sun, 03 Oct 2021 09:03:00 -00000:41:04false46fullhttps://ruv-radio.akamaized.net/opid/5311449D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Auður Aðalsteinsdóttir, bókmenntafræðingur. Auður sendi nýlega frá sér mikið rit, byggt á doktorsritgerð sinni um sögu og eðli bókmenntagagnrýni á Íslandi. Verkið heitir Þvílíkar ófreskjur en með þeim orðum lýsti Jónas Hallgrímsson köflum úr Tristransrímum Sigurðar Beiðfjörð í grein í Fjölni sem oft er talin fyrsti íslenski ritdómurinn. Gagnrýnendur sjálfir hafa þó oft orðið að ófreskjum í hugum lesenda og kannski ekki síður höfunda.Rætt er við Auði um eðli og einkenni íslenskrar bókmenntagagnrýni í gegnum tíðina, meðal annars þátt kvenna í þeirri sögu.Sun, 19 Sep 2021 09:03:00 -00000:49:59false45fullhttps://ruv-radio.akamaized.net/opid/5311448D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er ?Þorleifur Örn Arnarsson, leikstjóri. Þorleifur hefur náð miklum árangri sem leikstjóri í Evrópu á síðustu árum og starfar í leikhúsum víða um álfuna. Hann var nýlega útnefndur leikstjóri ársins í Þýskalandi. Á undanförnum árum hefur hann svo sett upp forvitnilegar og margverðlaunaðar sýningar hérlendis. Meðal nýlegra sýninga hans eru Englar alheimsins, Njála og Guð blessi Ísland en um liðna helgi frumsýndi hann Rómeó og Júlíu í Þjóðleikhúsinu. Rætt er við Þorleif um Rómeó og Júlíu, leikhúsið, aðferðir hans og nálgun.Sun, 12 Sep 2021 09:03:00 -00000:51:26false44fullhttps://ruv-radio.akamaized.net/opid/5311447D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Viðar Halldórsson, prófessor í Félagsfræði við Háskóla Íslands. Viðar hefur í rannsóknum sínum beint sjónum að ýmsum hliðum íþrótta, meðal annars klefamenningunni svokölluðu sem hefur verið mikið til umræðu nú í kjölfar þess að Knattspyrnusamband Íslands var sakað um að bregðast ekki við ábendingum um ofbeldi og kynferðisbrot af hálfu núverandi og fyrrverandi landsliðsmanna. Rætt er við Viðar um mál Knattspyrnusambandsins, klefamenninguna, afreksstefnuna og hvernig árangur er skilgreindur í íþróttastarfi.Sun, 05 Sep 2021 09:03:00 -00000:49:30false43fullhttps://ruv-radio.akamaized.net/opid/5311446D1.mp3Þröstur Helgason ræðir við forvitnilegt fólk um reynslu þess og viðhorf. Viðmælandi þáttarins er? Sigríður Dögg Auðunsdóttir, formaður Blaðamannafélags Íslands. Sigríður Dögg á langan feril í blaðamennsku en hún er nú fréttamaður á Ríkisútvarpinu. Sigríður Dögg varð formaður Blaðamannafélagsins fyrr á þessu ári og eitt hennar fyrsta verk var að blása til málþings um frelsi fjölmiðla á Íslandi. Rætt er við Sigríði Dögg um stöðu blaðamennsku á Íslandi og þróun fjölmiðla, um framtíð þeirra og blaðamennskunnar og um fjölmiðlafrelsi.Sun, 29 Aug 2021 09:03:00 -00000:51:00false42fullhttps://ruv-radio.akamaized.net/opid/5311445D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Dagný Kristjánsdóttir, fyrrverandi prófessor í íslenskum bókmenntum við Háskóla Íslands. Dagný hefur langa reynslu af því að kenna og rannsaka bókmenntir og var á dögunum sæmd heiðursmerki hinnar íslensku fálkaorðu fyrir framlag sitt til kennslu og rannsókna á bókmenntum íslenskra kvenna og barnabókmenntum. Rætt er við Dagnýju um kennsluna, rannsóknirnar, barnabókmenntir, kvennabókmenntir en einnig um sálgreiningu, sem hún hefur talsvert stuðst við í rannsóknum sínum, og samspil hugvísinda og raunvísinda sem hún hefur átt þátt í að virkja með forvitnilegum hætti, meðal annars með því að flétta bókmenntir inn í læknanám við Háskóla Íslands. Að endingu munum við ræða forvitnilega grein Dagnýjar um sögur af börnum og ofbeldi gegn þeim sem kom út í Tímariti Máls og menningar í lok síðasta árs.Sun, 27 Jun 2021 09:03:00 -00000:51:00false41fullhttps://ruv-radio.akamaized.net/opid/5311444D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Rúnar Helgi Vignisson, prófessor í ritlist við Háskóla Íslands. Rúnar Helgi hefur stýrt ritlistarnámi við Háskólann um nokkra hríð og á síðustu árum eru rithöfundar, sem hafa lokið þessu námi, farnir að ryðja sér til rúms með áberandi hætti í íslensku bókmenntalífi. Rætt er við Rúnar Helga um ritlistarnámið, hvernig höfundum það skilar og hvernig bókmenntum. En einnig er rædd afar forvitnilega grein sem Rúnar Helgi birti í Tímariti Máls og menningar um útilokunarmenningu eða svokallaða slaufun sem fer fyrst og fremst fram á samfélagsmiðlum í formi hópsmánunar á einstaklingum. Nýleg dæmi eru ófá en Rúnar Helgi varar við þessum skærum á netinu.Sun, 20 Jun 2021 09:03:00 -00000:50:59false40fullhttps://ruv-radio.akamaized.net/opid/5311443D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Jón Ormur Halldórsson, alþjóðastjórnmálafræðingur. Jón Ormur hefur að undanförnu birt nokkrar greinar í Kjarnanum þar sem hann hefur fjallað um þá deiglu sem alþjóðamál eru í um þessar mundir. Kína og Indland koma þar við sögu en líka Rússland, Tyrkland og Íran, sem Jón Ormur segir að leiti sér öll meira olnbogarýmis í heiminum. Þýskaland kemur við sögu, Evrópa og Bandaríkin. Í samtalinu við Jón Orm kemur Ísrael einnig við sögu en hlustendur ættu að verða einhvers vísari um samhengi hlutanna í alþjóðamálum samtímans.Sun, 13 Jun 2021 09:03:00 -00000:50:59false39fullhttps://ruv-radio.akamaized.net/opid/5311442D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Bergþóra Snæbjörnsdóttir, rithöfundur. Bergþóra hefur sent frá sér fjórar bækur, tvær ljóðabækur, textasafn og svo skáldsöguna Svínshöfuð sem kom út árið 2019 og vakti mikla athygli. Fyrir hana hlaut Bergþóra Fjöruverðlaunin árið 2020. Rætt er við Bergþóru um skrif hennar en hún er jafnframt spurð út í bókmenntir á 21. öld, fagurfræði, umfjöllunarefni skáldskaparins, áhrifavalda hennar, lestur og aðra menningarneyslu.Sun, 06 Jun 2021 09:03:00 -00000:50:00false38fullhttps://ruv-radio.akamaized.net/opid/5311441D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Sverrir Norland, rithöfundur. Sverrir sendi nýlega frá sér bók sem heitir Stríð og kliður en þar tekst hann meðal annars á við það hvers vegna og hvernig hann ætti að skrifa bókmenntir á tímum þegar heimsbyggðin stendur frammi fyrir tröllauknum áskorunum í umhverfis ? og loftslagsmálum, útrýmingu dýrategunda, yfirtöku tækninnar á lífi okkar og samþjöppun auðs á fárra hendur. Rætt er við Sverri um bókina en hann er jafnframt spurður út í bókmenntir á 21. öld, fagurfræði á tímum þegar afþreyingin ræður ríkjum, umfjöllunarefni skáldskaparins, áhrifavalda hans, lestur og aðra menningarneyslu.Sun, 23 May 2021 09:03:00 -00000:51:28false37fullhttps://ruv-radio.akamaized.net/opid/5311440D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er María Rún Bjarnadóttir, lögfræðingur. María Rún er höfundur skýrslu um kynferðislega friðhelgi sem kom út í fyrra og sömuleiðis skrifaði hún frumvarp dómsmálaráðherra sem varð að lögum um kynferðislega friðhelgi í febrúar síðastliðnum. Hún vinnur nú að doktorsritgerð þar sem hún rannsakar áhrif tækniframþróunar á mannréttindaskuldbindingar ríkja, með sérstakri áherslu á mörk friðhelgi einkalífs og tjáningarfrelsis. Samhliða doktorsnáminu hefur María sinnt lögfræðilegri ráðgjöf fyrir stjórnvöld, félagasamtök og alþjóðlegar stofnanir um samspil tækni og mannréttinda, bæði hvað varðar réttindi einstaklinga og stöðu lýðræðislegra innviða. Þá hefur hún stundað lögfræðilegar rannsóknir á sviði kynjajafnréttis. Rætt er við Maríu Rún um ýmsar hliðar metoo-bylgjunnar sem gengur nú yfir hér á landi, um mörk af ýmsu tagi sem þar er talað um, um það hvað sé hægt að gera með frekari lagasetningu eða aðgerðum innan kerfisins til þess að bregðast við og um kynferðislega friðhelgi í ljósi aukinnar tækninotkunar, til dæmis á samfélagsmiðlum.Sun, 16 May 2021 09:03:00 -00000:55:27false36fullhttps://ruv-radio.akamaized.net/opid/5311439D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Ástráður Eysteinsson, prófessor í bókmenntafræði við Háskóla Íslands. ,,Það hefur engum liðið svona," sagði gagnrýnandi Kiljunnar um skáldsögu Peters Handke, Hið stutta bréf og hin langa kveðja. Af þessum orðum gagnrýnandans spratt stutt en forvitnileg umræða á Facebook um bókmenntamat, um skáldskap Peters Handke sem meðal annars var kenndur við módernisma, um gildi tilrauna í bókmenntum og listum, um kröfuna um að bókmenntir séu bara ,,fílgúdd dútl", eins og það var kallað, og skort á nennu og áhuga gagnrýnenda á að rýna í hugmyndir höfunda, fagurfræði og beitingu tungumáls. Rætt er við Ástráð um ýmsa hluti sem koma fram í þessari umræðu eða tengjast henni, módernismann, upphaf hans og hugsanlegan endi, tilraunir í bókmenntum, raunsæið og raunsæiskröfuna, strauma og stefnur í bókmenntum á þessari öld og um bókmenntir sem áskorun fyrir lesendur og gagnrýnendur.Sun, 09 May 2021 09:03:00 -00000:52:25false35fullhttps://ruv-radio.akamaized.net/opid/5311438D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Silja Bára Ómarsdóttir, prófessor í stjórnmálafræði við Háskóla Íslands, en rætt er við hana um fyrstu hundrað dagana í valdatíð Joe Bidens, Bandaríkjaforseta. Biden hefur ekki setið auðum höndum en ólíkt Trump er hann ekki í fréttum á hverjum einasta degi. Viðbrögðin við þessum fyrstu hundrað dögum lýsa meðal annars ákveðnum létti yfir því að embætti forseta Bandaríkjanna hafi aftur verið fært í samt horf eftir útúrdúrinn með Trump. En hvað hefur Biden verið að sýsla? Silja Bára hefur fylgst vel með því og í þættinum ætlum við að fara yfir helstu verk hins nýja forseta, áskoranir hans, átök hans við faraldurinn og stefnubreytingu til vinstri sem sumir sjá.Sun, 02 May 2021 09:03:00 -00000:51:29false34fullhttps://ruv-radio.akamaized.net/opid/5311437D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Albert Jónsson, sérfræðingur í utanríkismálum og hernaðarmálum og fyrrverandi sendiherra. Albert hefur að undanförnu birt fjórar greinar um utanríkismál Íslands, Ísland og umheiminn næstu 30 ár. Þar fjallar Albert um Ísland í nýrri heimsmynd þar sem mikilvægi Evrópu fer dvínandi og Kína og Asíu-Kyrrahafssvæðið með Bandaríkin hinum megin við hafið verður þungamiðja alþjóðakerfisins. Ísland er í útjaðri þessarar heimsmyndar og raunar einnig í jaðri sinnar eigin heimsálfu, bæði landfræðilega og að vissu leyti pólitískt og efnahagslega. Mikilvægi Norðurslóða fer þó vaxandi í alþjóðakerfinu og sömuleiðis mun þróun loftslagsmála á næstu áratugum hafa mikið um það að segja hvernig Íslendingar haga sinni utanríkisstefnu. Rætt er við Albert um áskoranir og tækifæri Íslands í þessari heimsmynd sem hann dregur upp í greinum sínum.Sun, 25 Apr 2021 09:03:00 -00000:50:38false33fullhttps://ruv-radio.akamaized.net/opid/5311436D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Guðrún Nordal, forstöðumaður Stofnunar Árna Magnússonar í íslenskum fræðum. Fimmtíu ár eru liðin frá því að fyrstu handritin voru flutt heim frá Danmörku 21. apríl 1971. Sá atburður var upphaf Stofnunar Árna Magnússonar á Íslandi en nú bendir ýmislegt til þess að Íslendingar ættu jafnvel að kalla eftir því að fá það sem eftir er af handritunum í Danmörku heim til Íslands. Rætt er við Guðrúnu um þessi efni en einnig hvernig gengur að rannsaka handritaarfinn, fornar sögur og kvæði, aukinn alþjóðlegan áhuga á þessum bókmenntaarfi okkar og svo Hús íslenskunnar sem er að rísa vestur á Melum og mun meðal annars hýsa Stofnun Árna Magnússonar.Sun, 18 Apr 2021 09:03:00 -00000:50:19false32fullhttps://ruv-radio.akamaized.net/opid/5311435D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Baldur Þórhallsson, prófessor í stjórnmálafræði við Háskóla Íslands. Baldur hefur um árabil rannsakað smáríki, hvernig þeim farnast best, hver staða þeirra er í alþjóðakerfinu, áhrif þeirra þar, vernd sem þau þurfa eða þurfa ekki að hafa í þessu kerfi og svo mætti áfram telja. Rætt verður við Baldur um þessi efni og velt upp spurningum um Ísland sem smáríki. Er Ísland jafnvel of lítið ríki til þess að geta spjarað sig í alþjóðakerfinu?Sun, 11 Apr 2021 09:03:00 -00000:53:45false31fullhttps://ruv-radio.akamaized.net/opid/5311434D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Svanhildur Konráðsdóttir, forstjóri Hörpu, tónlistar og ráðstefnuhúss. Tíu ár verða liðin frá því að Harpa var tekin í notkun 13. maí næstkomandi. Fáir myndu andmæla því að Harpa hafi haft mikil áhrif á menningarlíf landsmanna, sérstaklega tónlistarlífið. En húsið hefur þó ekki síður verið í fréttum fyrir erfiðleika í rekstri. Rætt er við Svanhildi um hlutverk Hörpu, rekstur hennar þessi tíu ár sem liðin eru frá því að húsið var tekið í notkun, framtíð hússins, tíu ára afmælið sem er framundan og svo flygil hússins sem er jafngamall því og komst í fréttir fyrir skömmu þegar Víkingur Heiðar Ólafsson benti á að það þyrfti að fara að huga að því að endurnýja hljóðfærið, það væri komið á tíma.Sun, 04 Apr 2021 09:03:00 -00000:52:23false30fullhttps://ruv-radio.akamaized.net/opid/5311433D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Héðinn Unnsteinsson, höfundur bókarinnar Vertu úlfur sem samnefnd leiksýning sem nú er á fjölunum í Þjóðleikhúsinu er byggð á. Bókin er sjálfsævisöguleg og er frásögn af falli og risi manns sem einu sinni var greindur með geðhvörf. Héðinn hefur verið gagnrýnin á margt í heilbrigðiskerfinu og hefur átt þátt í því að opna umræðuna um geðheilbrigðismál hérlendis. Hann hefur starfað sem sérfræðingur í heilbrigðisráðuneytinu og hjá alþjóðaheilbrigðismálastofnuninni en á síðustu árum hefur hann starfað sem stefnumótunarsérfræðingur í forsætisráðuneytinu. Héðinn hefur með störfum sínum haft áhrif á stefnu stjórnvalda í geðheilbrigðismálum á undanförnum árum. Rætt er við Héðinn um sögu hans, sýninguna, umræðuna, fordómana, stöðuna í geðheilbrigðismálum í dag, lyfjagjöf og vísindalega þekkingu á vitund okkar og geði.Sun, 28 Mar 2021 09:03:00 -00000:50:00false29fullhttps://ruv-radio.akamaized.net/opid/5311432D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Hildur Fjóla Antonsdóttir, réttarfélagsfræðingur. Hildur Fjóla varði doktorsritgerð í fyrra um hugmyndir þolenda kynferðisbrota um réttlæti og hvernig megi mæta betur þeirra réttlætishagsmunum. Hún bar saman málsmeðferð á Íslandi og Norðurlöndum og í ljós kom talsverður munur. Rætt er við Hildi Fjólu um niðurstöður þessarar rannsóknar en tilefni viðtalsins er einnig það að nýlega kærðu níu konur íslenska ríkið til Mannréttindadómstóls Evrópu. Konurnar níu eiga það allar sameiginlegt að hafa kært nauðganir, heimilisofbeldi eða kynferðislega áreitni en öll málin hafa verið látin niður falla eftir rannsókn lögreglu. Við ræðum hvaða þýðingu þessi kæra hefur, af hverju hún kemur til og hverju hún mun hugsanlega skila.Sun, 21 Mar 2021 09:03:00 -00000:48:10false28fullhttps://ruv-radio.akamaized.net/opid/5311431D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Benedikt Hjartarson, prófessor í bókmenntafræði við Háskóla Íslands. Benedikt sendi nýlega frá sér þýðingu á einni af merkustu skáldsögum fyrri hluta tuttugustu aldar, Minnisblöð Maltes Laurids Brigge, eftir austurrísk-ungverska rithöfundinn, Rainer Maria Rilke, en bókin kom upphaflega út árið 1910. Þetta var eina skáldsaga Rilkes en í henni lýsir hann glímu söguhetjunnar við stórborgina og glundroða nútímans, grimmilegar æskuminningar og brot úr evrópskri menningarsögu. Ég ætla að ræða við Benedikt um skáldið Rilke, þessa einu skáldsögu hans og tengsl hennar við framúrstefnu og módernisma á fyrstu áratugum tuttugustu aldarinnar en í inngangi ritsins varpar Benedikt afar forvitnilegu ljósi á strauma og stefnur í bókmenntum í upphafi aldarinnar. Að lokum er rætt um áhrif Rilkes og Minnisblaða Maltes Laurids Brigge á bókmenntir sem fylgdu í kjölfarið.Sun, 07 Mar 2021 09:03:00 -00000:51:59false27fullhttps://ruv-radio.akamaized.net/opid/5311430D1.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Pétur H. Ármannsson, arkitekt og sérfræðingur í byggingarsögu. Síðastliðið haust sendi Pétur frá sér mikið rit um Guðjón Samúelsson sem var húsameistari ríkisins á fyrri hluta síðustu aldar og áhrifamesti og afkastamesti arkitekt sem Ísland hefur alið. Í bók sinni rekur Pétur ævi og einkum störf Guðjóns sem eins og flestir vita teiknaði margar af helstu byggingum Reykjavíkur og kennileiti bæja og byggðarlaga víða um landið. Rætt er við Pétur um þennan merka mann sem hafði líklega meiri áhrif á það hvernig Íslendingar skynja sjálfa sig og umhverfi sitt en flestir aðrir.Sun, 28 Feb 2021 09:03:00 -00000:51:47false26fullhttps://ruv-radio.akamaized.net/opid/5311429D2.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er?Kristín Loftsdóttir, prófessor í mannfræði við Háskóla íslands. Kristín sendi nýlega frá sér bók um kynþáttafordóma þar sem meðal annars er sýnt hvernig kynþáttahugmyndir hafa birst í íslenskri umræðu í ýmsum myndum, bæði í fortíð og samtíma. Rætt er við Kristínu um þessi efni en í lok þáttar verður stuttlega vikið að annarri bók Kristínar sem kom út fyrir tveimur árum og fjallar um hrunið og eftirmála þess þegar Íslendingar markaðssettu landið sem framandi ferðamannaland í útjaðri Evrópu.Sun, 21 Feb 2021 09:03:00 -00000:52:16false25fullhttps://ruv-radio.akamaized.net/opid/5311428D2.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Einar Kárason, rithöfundur, sem sendi nýlega frá sér bókina Málsvörn Jóns Ásgeirs Jóhannessonar. Rætt er við Einar um bókina, ritun hennar og viðbrögðin við henni, viðfangsefnið, karakterana sem koma við sögu og sagnamennsku hans sem löngum hefur litast af áhuga hans á fólki, ekki síst sögulegum persónum.Sun, 14 Feb 2021 09:03:00 -00000:51:55false24fullhttps://ruv-radio.akamaized.net/opid/5311427D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Hulda Þórisdóttir, stjórnmálasálfræðingur. Fyrir rúmri viku var skotið úr riffli á bíl borgarstjórans í Reykjavík, Dags B. Eggertssonar. Stuttu áður hafði verið hleypt af riffli á húsnæði Samfylkingarinnar í borginni og reyndar hefur verið skotið á húsnæði fleiri stjórnmálaflokka. Spurningar vakna um það hvort hatursfull orðræða sem fólk upplifir í fjölmiðlum og á samfélagsmiðlum hafi þessi áhrif. Í stjórnmálasálfræði er fjallað um bæði áhrif sálrænna þátta á stjórnmálahegðun og áhrif stjórnmálakerfa á hugsanir, tilfinningar og hegðun fólks. Rætt er við Huldu um þessa hluti en einnig um til dæmis áhrif hrunsins á íslensk stjórnmál.Sun, 07 Feb 2021 09:03:00 -00000:52:15false23fullhttps://ruv-radio.akamaized.net/opid/5311426D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Jón Ólafsson, heimspekingur og sérfræðingur í málefnum Rússlands. Mikil mótmæli voru í flestum borgum Rússlands um síðustu helgi þar sem því var andmælt að Alexei Navalny, helsti leiðtogi andstæðinga stjórnar Pútíns forseta, var handtekinn við komu sína til Rússlands. Navalny hefur barist gegn stjórnarháttum Pútíns og spillingu í rússneskum stjórnmálum í um það bil áratug. Honum var byrlað eitur í ágúst síðastliðnum af rússnesku leyniþjónustunni eftir því sem fréttir herma. Navalny sagði í viðtali við spænska blaðið El País af því tilefni að eftir tuttugu ára valdasetu teldi Pútín að hann gæti komist upp með hvað sem er. Rætt er við Jón um rússnesk stjórnmál, Pútín og stjórnarandstöðu Navalnys.Sun, 31 Jan 2021 09:03:00 -00000:52:59false22fullhttps://ruv-radio.akamaized.net/opid/5311425D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Ásta Kristín Benediktsdóttir, bókmenntafræðingur. Ásta Kristín hefur lokið doktorsprófi í hinsegin bókmenntum og birti í nýjasta hefti Ritsins, tímarits Hugvísindastofnunar, grein um eitt af helstu rannsóknarefnum sínum, Elías Mar, rithöfund. Rætt er við Ástu um hinsegin bókmenntir og hinsegin fræði, Elías Mar, skáldsögur hans og merkilegt safn einkaheimilda hans sem varpa ljósi á sögu samkynhneigðra hér á landi um miðja tuttugustu öldina, Vefarinn mikli eftir Halldór Laxness kemur við sögu sem hinsegin bókmenntir og við ræðum um þátt hinsegin menningar í tilkomu nútímans á Íslandi.Sun, 24 Jan 2021 09:03:00 -00000:50:01false21fullhttps://ruv-radio.akamaized.net/opid/5311424D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Ólafur Ragnar Grímsson, fyrrverandi forseti Íslands, en hann sendi nýlega frá sér bók sem vakið hefur athygli en í henni segir hann einkum sögur af ýmsu því fólki sem hann hefur starfað með eða átt í samskiptum við í gegnum árin. Við sögu koma margir af helstu þjóðarleiðtogum, stjórnmálamönnum og athafnamönnum heims frá síðustu fjörutíu árum, einkum frá Bandaríkjunum, Kína og Indlandi. Í bókinni lýsir Ólafur Ragnar reynslu sinni af því að vinna að kjarnorkuafvopnun heimsins með alþjóðlegum þingmannasamtökum á níunda og tíunda áratugnum sem náðu merkilegum árangri en þessi vinna á alþjóðlegu sviði stjórnmála varð Ólafi mikilvægur undirbúningur fyrir forsetaembættið. Sömuleiðis segir Ólafur frá vinnu sinni að umhverfismálum, þar á meðal málefnum norðurslóða, sem staðið hefur allt frá því í byrjun aldar og hefur á síðustu árum að stórum hluta farið fram á vettvangi sem hann hefur skapað sjálfur með ráðstefnuhaldi á vegum Arctic Circle. Bókin heitir Sögur handa Kára en þar er vísað í Kára Stefánsson sem hvatti Ólaf til að skrifa niður þessar sögur af samskiptum sínum við ráðafólk í hinum ýmsu löndum heims, nær og fjær. Í bókinni birtist ákaflega forvitnileg mynd af þessum fyrrverandi forseta Íslands, víðáttumiklu tengslaneti hans á alþjóðlega sviðinu, verkefnum sem hann hefur komið að á því sviði sem hann sjálfur hefur ekki haft hátt um hér á landi og sýn hans á alþjóðasamskipti, bæði mikilvægi þeirra sem slíkra og aðferðirnar sem hann hefur notað til þess að ná árangri.Sun, 17 Jan 2021 09:03:00 -00000:52:30false20fullhttps://ruv-radio.akamaized.net/opid/5311423D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Svali Björgvinsson, sálfræðingur og einn helsti sérfræðingur landsins í körfubolta. Rætt er við Svala um mikinn uppgang í körfubolta hér á landi og ástæður þess mikla árangurs sem náðst hefur á stuttum tíma en landsliðið í körfuknattleik karla hefur komist á tvö stórmót á allra síðustu árum. Einnig er rætt um það hvers vegna NBA reynist sá þröskuldur sem raun ber vitni fyrir íslenska og reyndar aðra evrópska körfuboltamenn og að lokum kemur við sögu mesta stjarna þeirrar deildar, Michael Jordan, en á síðasta ári voru sýndir áhrifamiklir og að vissu leyti afhjúpandi þættir um feril hans á Netflix.Sun, 10 Jan 2021 09:03:00 -00000:52:30false19fullhttps://ruv-radio.akamaized.net/opid/5311422D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Alma Möller, landlæknir, og umræðuefnið er Covid 19. Hvað vitum við um veiruna og áhrif hennar á fólk? Hvað er framundan? Er bóluefnið öruggt?Sun, 03 Jan 2021 09:03:00 -00000:52:00false18fullhttps://ruv-radio.akamaized.net/opid/5311421D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Finnur Ulf Dellsén, vísindaheimspekingur. Rætt er við Finn um viðfangsefni vísindaheimspekinnar og vísindin á tímum Covid 19.Sun, 27 Dec 2020 09:03:00 -00000:51:36false17fullhttps://ruv-radio.akamaized.net/opid/5311420D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Sumarliði Ísleifsson, sagnfræðingur. Nýlega sendi Sumarliði frá sér rit um ímyndir Íslands og Grænlands í þúsund ár. Rætt er við Sumarliða um þau viðhorf sem sagnfræðilegar heimildir lýsa til landanna í fjarska norðursins.Sun, 20 Dec 2020 09:03:00 -00000:51:58false16fullhttps://ruv-radio.akamaized.net/opid/5311419D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Drífa Snædal, forseti Alþýðusambands Íslands, en hún ræðir um verkalýðsbaráttuna um þessar mundir, þróun hennar og helstu áskoranir, möguleika á því að sátt myndist á vinnumarkaði, hægfara styttingu vinnudagsins, misskiptingu auðs og hugmyndir um borgaralaun eða fjárhagslega meðgjöf til almennings.Sun, 13 Dec 2020 09:03:00 -00000:50:00false15fullhttps://ruv-radio.akamaized.net/opid/5311418D0.mp3Þröstur Helgason ræðir við forvitnilegt fólk um reynslu þess og viðhorf. Hannes Hólmsteinn Gissurarson, prófessor í stjórnmálafræði við Háskóla Íslands, er gestur þáttarins. Rætt er við hann um frjálshyggju og einn af helstu stjórnmálamönnum hennar, Margréti Thatcher, sem er eitt af meginumfjöllunarefnum nýjustu þáttaraðarinnar um The Crown á Netflix. Rætt er um framgang frjálshyggju á Íslandi, um stjórnmálaskóla Sjálfstæðisflokksins, um gagnrýni á frjálshyggjuna, um misskiptingu auðs og um átök hægri og vinstri í stjórnmálum þessarar aldar.Sun, 06 Dec 2020 09:03:00 -00000:51:39false14fullhttps://ruv-radio.akamaized.net/opid/5311417D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Ólöf Kristín Sigurðardóttir, safnstjóri Listasafns Reykjavíkur, og ræddi hún um starfsemi listasafnsins, hlutverk listasafna almennt og myndlist samtímans.Sun, 29 Nov 2020 09:03:00 -00000:50:35false13fullhttps://ruv-radio.akamaized.net/opid/5311416D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Bergljót Soffía Kristjánsdóttir, sem nýlega lét af störfum sem prófessor í íslenskum bókmenntum við Háskóla Íslands. Hún sendi í vor frá sér bókina Fræðaskjóða. Bókmenntafræði fyrir forvitna. Rætt er við hana um það hvernig maður les bókmenntir, bókmenntakennslu, breytingar á bókmenntafræði síðustu áratugi og bókmenntir 21. aldarinnar.Sun, 22 Nov 2020 09:03:00 -00000:53:00false12fullhttps://ruv-radio.akamaized.net/opid/5311415D0.mp3Þröstur Helgason ræðir við forvitnilegt fólk um reynslu þess og viðhorf. Geir Sigurðsson, prófessor í kínverskum fræðum, er gestur þáttarins og ræðir um Kína, kínverska heimspeki, sögu og samfélag í dag.Sun, 15 Nov 2020 09:03:00 -00000:52:35false11fullhttps://ruv-radio.akamaized.net/opid/5311414D0.mp3Þröstur Helgason ræðir við forvitnilegt fólk um reynslu þess og viðhorf. Katrín Jakobsdóttir, forsætisráðherra, er gestur þáttarins og ræðir um bandarísk stjórnmál í kjölfar forsetakosninganna og pólitík almennt.Sun, 08 Nov 2020 09:03:00 -00000:46:57false10fullhttps://ruv-radio.akamaized.net/opid/5311413D0.mp3Þröstur Helgason ræðir við forvitnilegt fólk um reynslu þess og viðhorf. Silja Bára Ómarsdóttir, stjórnmálafræðingur, er gestur þáttarins og ræðir um forsetakosningarnar í Bandaríkjunum.Sun, 01 Nov 2020 09:03:00 -00000:51:01false9fullhttps://ruv-radio.akamaized.net/opid/5311412D0.mp3Þröstur Helgason ræðir við forvitnilegt fólk um reynslu þess og viðhorf. Guðlaugur Þór Þórðarson, utanríkisráðherra, er gestur þáttarins og ræðir bandarísk stjórnmál.Sun, 25 Oct 2020 09:03:00 -00000:52:20false8fullhttps://ruv-radio.akamaized.net/opid/5311411D0.mp3Þröstur Helgason ræðir við forvitnilegt fólk um reynslu þess og viðhorf. Fríða Björk Ingvarsdóttir, rektor Listháskóla Íslands, er gestur þáttarins og ræðir um þróun skólans, eðli listkennslu og gildi listmenntunar og lista almennt í samfélaginu.Sun, 18 Oct 2020 09:03:00 -00000:50:53false7fullhttps://ruv-radio.akamaized.net/opid/5311410D0.mp3Þröstur Helgason ræðir við forvitnilegt fólk um reynslu þess og viðhorf. Snæbjörn Arngrímsson, bókaútgefandi og rithöfundur, er gestur þáttarins og ræðir um bókaútgáfu á Íslandi og í Skandinavíu, Harry Potter og barnabókaskrif.Sun, 11 Oct 2020 09:03:00 -00000:51:00false6fullhttps://ruv-radio.akamaized.net/opid/5311409D0.mp3Þröstur Helgason ræðir við forvitnilegt fólk um reynslu þess og viðhorf. Gestur þáttarins er Halldór Guðmundsson, bókmenntafræðingur og rithöfundur, og ræðir hann um bókaútgáfu fyrr og síðar.Sun, 04 Oct 2020 09:03:00 -00000:52:00false5fullhttps://ruv-radio.akamaized.net/opid/5311408D0.mp3Þröstur Helgason ræðir við forvitnilegt fólk um reynslu þess og viðhorf. Gestur í þessum þætti er Kjartan Ólafsson, fyrrverandi ritstjóri Þjóðviljans, sem nýlega sendi frá sér mikið rit um sögu Kommúnistaflokks Íslands og Sósíalistaflokksins.Sun, 27 Sep 2020 09:03:00 -00000:52:20false4fullhttps://ruv-radio.akamaized.net/opid/5311407D0.mp3Þröstur Helgason ræðir við forvitnilegt fólk um reynslu þess og viðhorf. Gestur í þessum þætti er Guðrún Johnsen hagfræðingur sem ræðir kenningar franska hagfræðingsins Thomasar Picketty um misskiptingu auðs.Sun, 20 Sep 2020 09:03:00 -00000:51:00false3fullhttps://ruv-radio.akamaized.net/opid/5311406D0.mp3Þröstur Helgason ræðir við forvitnilegt fólk um reynslu þess og viðhorf. Gestur í þessum þætti er Ingibjörg Sólrún Gísladóttir sem nýlega lét af störfum sem for­stjóri lýð­ræð­is- og mann­rétt­inda­stofn­unar Örygg­is- og sam­vinn­u­­stofn­unar Evr­­ópu (ÖSE).Sun, 13 Sep 2020 09:03:00 -00000:50:48false2fullhttps://ruv-radio.akamaized.net/opid/5311405D0.mp3Þröstur Helgason ræðir við forvitnilegt fólk um reynslu þess og viðhorf. Gestur Þrastar í þessum fyrsta þætti er Eiríkur Bergmann prófessor í stjórnmálafræði og er umræðuefnið þjóðernispoppúlismi.Wed, 02 Sep 2020 09:30:00 -00000:51:59false1full