RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Viðmælendagreining RÚV 2022

Skilti í Grafarvogslaug
 Mynd: Lára Halla Sigurðardóttir - RÚV
Skráning á kynjahlutfalli viðmælenda er birt í samræmi við stefnu RÚV í jafnréttismálum. Tölur fyrir fyrri hluta ársins 2022 liggja nú fyrir.

Skráðir eru viðmælendur í fréttum og fréttatengdum þáttum og í reglubundnum innlendum þáttum í útvarpi og sjónvarpi. Talning sem þessi gefur ekki heildarmynd af því hver birtingarmynd kynjanna er í dagskránni en hún er mikilvægur liður í því að mæla hver staðan og þróunin eru. 

Starfsfólk RÚV hefur í huga að álitsgjafar, bæði sérfræðingar og almenningur, um hin ýmsu málefni, hvort sem það eru þjóðmál, menningarmál eða afþreying, séu af öllum kynjum, á mismunandi aldri, af mismunandi þjóðernum og með margvíslegt líkamlegt atgervi, t.d. með hvers kyns sýnilega fötlun.  Er það í samræmi við aðgengisstefnu RÚV sem kynnt var fyrr á þessu ári.

Vert er að taka fram að unnið er að því að bæta þessa viðmælendaskráningu í samræmi við nýja stefnu RÚV sem kynnt verður í september.

Hlutfall karla og kvenna í dagskrá RÚV, utan frétta, var nánast jafnt á fyrri hluta þessa árs, 49% karlar og 51% konur. Með kynjajafnvægi í dagskrá sker RÚV sig frá flestum miðlum hérlendis og erlendis. 

Séu eingöngu fréttatímar og fréttatengdir þættir teknir saman er hlutfall viðmælenda 58% karlar og 42% konur. Tölurnar hafa þróast í átt til jafnvægis frá því að mælingar hófust og er nokkur munur á milli ára.

Viðmælendaskráning annar ársfjórðungur 2022

  kk. kvk. Heild kk. % kvk. %
Rás 1 495 545 1.040 48% 52%
Rás 2 435 390 825 53% 47%
RÚV 61 55 116 53% 47%
Fréttastofa 1.914 1.466 3.380 57% 43%
           
Dagskrá og fréttir 2.905 2.456 5.361 54% 46%
Dagskrá RÚV 991 990 1.981 50% 50%