RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Viðmælendagreining RÚV 2021

Mynd með færslu
 Mynd: RÚV
Skráning á kynjahlutfalli viðmælenda er birt til samræmis við stefnu RÚV í jafnréttismálum. Tölur fyrir fyrri helming 2021 liggja nú fyrir.

Skráðir eru viðmælendur í fréttum og fréttatengdum þáttum og í reglubundnum innlendum þáttum í útvarpi og sjónvarpi. Talning sem þessi gefur ekki heildarmynd af því hver birtingarmynd karla og kvenna er í dagskránni en hún er mikilvægur liður í því að mæla hver staðan og þróunin eru. 

Hlutfall kynjanna í dagskrá RÚV, utan frétta, var nánast jafnt á fyrri helmingi þessa árs, 51% karlar og 49% konur. Með kynjajafnvægi í dagskrá sker RÚV sig frá flestum miðlum hérlendis og erlendis. 

Séu eingöngu fréttatímar og fréttatengdir þættir teknir saman er hlutfall viðmælenda 62% karlar og 38% konur. Það skýrist af hærra hlutfalli karla í leiðandi stöðum í stjórnmálum og samfélaginu, sem fluttar eru fréttir af.  Tölurnar hafa þróast í átt til jafnvægis frá því að mælingar hófust.

Viðmælendaskráning annar ársfjórðungur 2021

  kk. kvk. Heild kk. % kvk. %
Rás 1 492 543 1.035 48% 52%
Rás 2 375 304 679 55% 45%
RÚV 78 58 136 57% 43%
Fréttastofa 1.961 1.217 3.178 62% 38%
           
Dagskrá og fréttir 2.906 2.122 5.028 58% 42%
Dagskrá RÚV 945 905 1.850 51% 49%