RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Viðmælendagreining RÚV

Mynd með færslu
 Mynd: Ragnar Visage - RÚV
Skráning á kynjahlutfalli viðmælenda er birt til samræmis við stefnu RÚV í jafnréttismálum. Tölur fyrir fyrsta ársfjórðung 2021 liggja nú fyrir.

Skráðir eru viðmælendur í fréttum og fréttatengdum þáttum og í reglubundnum innlendum þáttum í útvarpi og sjónvarpi. Talning sem þessi gefur ekki heildarmynd af því hver birtingarmynd karla og kvenna er í dagskránni en hún er mikilvægur liður í því að mæla hver staðan og þróunin eru. 

Hlutfall kynjanna í dagskrá RÚV, utan frétta, var nánast jafnt, 52% karlar og 48% konur. Með kynjajafnvægi í dagskrá sker RÚV sig frá flestum miðlum hérlendis og erlendis. 

Séu eingöngu fréttatímar og fréttatengdir þættir teknir saman er hlutfall viðmælenda 62% karlar og 38% konur. Það skýrist af hærra hlutfalli karla í leiðandi stöðum í stjórnmálum og samfélaginu, sem fluttar eru fréttir af.  Tölurnar hafa þróast í átt til jafnvægis frá því að mælingar hófust.

Viðmælendaskráning fyrsta ársfjórðung 2021

  kk. kvk. Heild kk. % kvk. %
Rás 1 548 557 1.105 50% 50%
Rás 2 400 329 729 55% 45%
RÚV 126 111 237 53% 47%
Fréttastofa 1.971 1.206 3.177 62% 38%
           
Dagskrá og fréttir 3.045 2.203 5.248 58% 42%
Dagskrá RÚV 1.074 997 2.071 52% 48%