RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Heimskviður snúa aftur á Rás 1

Mynd með færslu
 Mynd:
Fréttaskýringaþátturinn Heimskviður hefur göngu sína á Rás 1 á ný laugardaginn 23. janúar.

 

Í Heimskviðum er fjallað á ítarlegan og lifandi hátt um heimsmálin, um allt það sem gerist ekki á Íslandi. 

Þátturinn er samstarfsverkefni Rásar 1 og fréttastofu RÚV. Umsjónarmenn og ritstjórar þáttarins verða sem fyrr Birta Björnsdóttir og Guðmundur Björn Þorbjörnsson. 

„Við hlökkum mikið til að halda áfram að kafa dýpra í allt það sem er að gerast í heiminum. Af nógu er að taka. Við sáum á viðbrögðum hlustenda, á meðan þátturinn var í gangi og þegar hann var tekinn af dagskrá, að áhugi fólks á erlendum fréttum er óvíræður. Það er mjög ánægjulegt að finna hve mörg deila þeim áhuga með okkur,“ segir Birta. 

„Mikilvægi erlendra frétta hefur aukist síðustu ár, ef eitthvað er. Yfirstandandi heimsfaraldur hefur meðal annars kennt okkur að okkur kemur sannarlega við hvað er að gerast utan landsteinanna. Þátturinn verður með örlítið breyttu sniði. Hann verður 30 mínútur og sem fyrr leitumst við við að gera ítarlegar og vandaðar fréttaskýringar um málefni líðandi stundar, um allt það sem gerist ekki á Íslandi,“ segir Guðmundur Björn. 

Heimskviður verða hér eftir á laugardögum kl. 12.40 og verða sem fyrr aðgengilegar á öllum helstu hlaðvarpsveitum. 

 

14.01.2021 kl.11:47
Samskiptasvið RÚV
Birt undir: Í umræðunni, Í umræðunni