Höfuðborgarsvæðið

Ekki búið að bera kennsl á þá látnu
Kennslanefnd ríkislögreglustjóra vinnur enn að því að bera kennsl á þrjá íbúa húss á horni Bergstaðastrætis og Vesturgötu í Reykjavík sem létust í eldsvoða á fimmtudag. Kennslanefnd er ekki búin að bera kennsl á viðkomandi og er enn að störfum.
28.06.2020 - 17:38
Myndskeið
Alvarlegt umferðarslys á Kjalarnesi
Lögregla og slökkvilið er með mikinn viðbúnað vegna alvarlegs umferðarslyss sem varð á Kjalarnesi nú síðdegis. Húsbíll og tvö bifhjól lentu í árekstri á Vesturlandsvegi sunnan Hvalfjarðarganga, fyrir norðan þéttbýlið á Kjalarnesi.
28.06.2020 - 15:32
Myndskeið
Maður í gæsluvarðhaldi vegna eldsvoða
Karlmaður á sjötugsaldri hefur verið hnepptur í gæsluvarðhald í allt að viku vegna rannsóknar lögreglu á eldsvoðanum mannskæða á horni Bræðraborgarstígs og Vesturgötu í Reykjavík í gær. Frumrannsókn Lögreglunnar á höfuðborgarsvæðinu gefur til kynna að eldurinn hafi kviknað af mannavöldum. Maðurinn sem nú er í gæsluvarðhaldi var handtekinn þegar hann reyndi að komast inn í rússneska sendiráðið í gær. Hann bjó í húsinu sem brann og er talið að eldurinn hafi kviknað í eða við vistarverur hans.
Myndskeið
Blankur borgarstjóri og sjálfsvorkunn vegna veðurfars
Hvað gerir blankur borgarstjóri þegar hann sér ekki fram á að hafa efni á að standa við kosningaloforðin, spurði þingmaður Miðflokksins, í viðræðum um heimild til að stofna opinbert hlutafélag um uppbyggingu samgönguinnviða á höfuðborgarsvæðinu. Þingmaður Pírata sagði að sér sýndist umræður um borgarlínu hvorki snúast um kostnað eða afstöðu til strætisvagna heldur um tíðaranda og menningu, þar sem fólk væri fast í gömlum hugmyndum um almenningssamgöngur og sjálfsvorkunn vegna veðurfars.
Myndskeið
Miðflokksmenn hættu umræðu um samgönguáætlun
Annarri umræðu um samgönguáætlanir til næstu fimm og fimmtán ára lauk nú í hádeginu. Þá fluttu þingmenn Miðflokksins sínar síðustu ræður. Umræðan hafði þá staðið í 46 klukkustundir. Hún stóð yfir fjóra daga í síðustu viku og var haldið áfram í gær og í dag. Umræðan stóð til klukkan tvö í nótt. Miðflokksmenn hafa varið miklum tíma í að gagnrýna áform um Borgarlínu og ítrekuðu þá gagnrýni í lok umræðunnar.
Sektuð um 15 milljónir fyrir skattsvik í Airbnb-útleigu
Yfirskattanefnd hefur lagt nærri fimmtán milljóna króna sektir á konu vegna útleigu Airbnb íbúða án þess að greiða skatt af starfseminni. Konan verður að greiða íslenskra ríkinu ellefu milljónir króna og Reykjavíkurborg 3,9 milljónir.
23.06.2020 - 11:13
Kona sem lögregla leitaði er fundin
Kona sem Lögreglan á höfuðborgarsvæðinu lýsti eftir fyrr í kvöld er fundin. Ekkert hafði heyrst til hennar frá því klukkan hálf þrjú í dag og var talin brýn þörf á að finna hana sem finnst. Lögreglan greindi svo frá því klukkan hálf ellefu að konan væri fundin.
18.06.2020 - 22:42
Myndskeið
Hægt að fræðast um Borgarlínuna á nýrri sýningu
Hönnun borgarlínunnar og legu hennar eru gerð skil á gagnvirkri sýningu á Hönnunarmars í Ráðhúsi Reykjavíkur næstu sjö daga.
18.06.2020 - 22:00
Þingmenn Miðflokksins andmæla borgarlínu
Þingmenn Miðflokksins hafa gagnrýnt mjög áform um uppbyggingu borgarlínu á höfuðborgarsvæðinu, í umræðum um samgönguáætlanir fyrir næstu fjórtán árin. Þeir hafa sagt að verkefnið sé dýrt, ólíklegt til að skila árangri og þrengi að annarri umferð en almenningssamgangna. Þeir hafa einnig fundið að því að ekki sé lögð meiri áhersla á Sundabraut. Þingmaður Samfylkingarinnar sagði ræður Miðflokksmanna keimlíkar, líkt og þeir væru í fílabeinsturni að ræða málin.
18.06.2020 - 20:59
Lögreglan lýsir eftir konu
Lögreglan á höfuðborgarsvæðinu lýsti í kvöld eftir eftir konu. Ekkert hefur heyrst í henni frá því um klukkan hálf þrjú í dag. Hún er á svörtum Mitsubishi Outlander, árgerð 2019, með bílnúmerið HMH-83. Konan er 168 sm á hæð, 95 kg, klædd í svartar leggings, dökkan kjól með blómamunstri og er ljósbrúnt hár.
Myndskeið
Mótmæli, gjörningur og flugvélartruflun á hátíðarhöldum
Katrín Jakobsdóttir forsætisráðherra þurfti að gera hlé á hátíðarræðu sinni á Austurvelli þegar flugvél flaug yfir meðan á hátíðarhöldum stóð. Katrín brosti í fyrstu og leit svo til himins. Mótmæli settu nokkurn svip á hátíðarhöldin þar sem menn stilltu sér upp með mótmælaskilti fyrir aftan forsætisráðherra. Lögregla hafði svo afskipti af listamanninum Snorra Ásbjörnssyni þar sem hann hélt ræðu af svölum íbúðarhúss og kvaðst vera fyrsta karlkyns fjallkonan.
Harpa hefur kostað ríki og borg 12,5 milljarða
Heildarframlag ríkisins til rekstrar tónlistarhússins Hörpu árin 2013-2019 nemur 1.144 milljónum króna á föstu verðlagi og framlag Reykjavíkurborgar á sama tímabili nemur 974 milljónum. Þessu til viðbótar bætist við endurgreiðsla á byggingakostnaði og búnaði hússins. Frá opnun hússins árið 2011 hafa ríki og borg samtals greitt tæpa 12,5 milljarða vegna hússins.
17.06.2020 - 09:25
Lögregla skakkaði leikinn milli bílstjóra og farþega
Í ýmsu var að snúast hjá lögreglunni á höfuðborgarsvæðinu í gærkvöldi og í nótt. Á áttunda tímanum í gærkvöldi var lögregla kölluð til vegna átaka á milli strætóbílstjóra og farþega og var rætt við báða með réttarstöðu sakbornings. Minniháttar meiðsli urðu í átökunum. Sjö voru teknir, grunaðir um að hafa ekið undir áhrifum áfengis eða fíkniefna. Tveir þeirra voru að auki án ökuréttinda og einn í þessum hópi olli óhappi.
Í gæsluvarðhald vegna tilraunar til manndráps
Hnífsstunguárás miðsvæðis í Reykjavík í gærmorgun er rannsökuð sem tilraun til manndráps. Maðurinn sem réðist á konu með hnífi hefur verið úrskurðaður í gæsluvarðhald til 13. júlí.
Milljónasektir fyrir ölvunarakstur
Þrír menn hafa síðustu daga verið dæmdir til að greiða eina til tvær milljónir króna hver fyrir akstur undir áhrifum áfengis eða fíkniefna og önnur umferðarlagabrot. Samanlagt nema sektargreiðslur mannanna þriggja rúmum fimm milljónum króna.
Fjögur óska rökstuðnings eða gagna vegna ráðningar
Fjórir af átján umsækjendum um stöðu borgarritara hafa óskað eftir rökstuðningi, upplýsingum eða gögnum vegna ráðningaferlis í starf borgarritara. Borgarráð samþykkti á fundi sínum 30. apríl að ráða Þorstein Gunnarsson, þáverandi sveitarstjóra Skútustaðahrepps, í starfið. Hann tók við starfinu af Stefáni Eiríkssyni sem hætti sem borgarritari til að taka við starfi útvarpsstjóra.
15.06.2020 - 15:00
Vesturlandsvegur tvöfaldaður í Mosfellsbæ í sumar
Vesturlandsvegur verður tvöfaldaður í sumar í Mosfellsbæ milli Skarhólabrautar og Langatanga. Framkvæmdir hefjast í fyrramálið og má búast við töfum á umferð og að hún gangi hægar fyrir sig.
09.06.2020 - 16:04
Máttu reka konu þó ekki væri við hana eina að sakast
Landsbankinn var í fyrradag sýknaður af kröfu konu sem krafðist bóta vegna brottrekstrar úr starfi. Konan taldi uppsögnina ólögmæta og meiðandi í sinn garð. Landsréttur komst hins vegar að þeirri niðurstöðu að bankinn hefði mátt segja konunni upp til að leysa vanda sem kominn var upp innan bankans. Þetta hefði bankinn mátt gera þótt svo ekki væri við konuna eina að sakast.
Dæmdur til 238 milljóna sektargreiðslu
Landsréttur staðfesti á föstudag tveggja ára skilorðsbundinn dóm yfir Ágústi Alfreð Snæbjörnssyni fyrir stórfelld skattalagabrot og skilasvik. Hann var dæmdur til að greiða 238 milljóna króna sekt í ríkissjóð innan fjögurra vikna eða sæta annars 360 daga fangelsi. Brotin framdi Ágúst Alfreð sem framkvæmdastjóri útibús verktakafyrirtækisins Adrakris á Íslandi. Fyrirtækið var um skeið stærsti verktakinn á vegum Reykjavíkurborgar.
Hópslagsmál, varðeldar og ölvun
Gærkvöldið og nóttin voru annasöm hjá lögreglu og slökkviliði á höfuðborgarsvæðinu. Alls komu 102 mál á borð lögreglu frá því klukkan fimm síðdegis í gær þangað til klukkan fimm í morgun. Þeirra á meðal voru líkamsárásir og slagsmál.
Ósáttur við borgina: „Þannig hagar sér enginn“
Sigurður Ingi Jóhannsson, samgöngu- og sveitarstjórnarráðherra, segir að ekki komi annað til greina en að Reykjavíkurborg standi við samkomulag um skipulag og uppbyggingu á landi ríkisins við Skerjafjörð. Hann segir fráleitt að leggja veg gegnum friðað hús og að engin sómakær sveitarfélög taki eignir bótalaust af íbúum sínum.
05.06.2020 - 18:05
Strætó afnemur fjöldatakmarkanir og fjarlægðarmörk
Framdyr strætisvagna á höfuðborgarsvæðinu verða aðgengilegar farþegum á nýjan leik eftir helgi, mánudaginn 8 júní. Svæði inn í strætisvögnum verður því ekki lengur skipt í tvennt og engar fjöldatakmarkanir verða í gildi.
05.06.2020 - 10:01
Eyddu virkri sprengikúlu sem fannst í Hafnarfirði
Séraðgerða- og sprengjueyðingardeild Landhelgisgæslunnar var kölluð út í gær eftir að torkennilegur hlutur fannst við jarðvinnu á lóð húss í miðbæ Hafnarfjarðar. Hluturinn reyndist vera 20 millímetra sprengikúla úr seinni heimstyrjöldinni.
04.06.2020 - 11:38
Viðtal
Lögreglan komið með ábendingar varðandi göngugöturnar
Aðalvarðstjóri hjá lögreglunni á höfuðborgarsvæðinu segir að Reykjavíkurborg hafi gert allt lagalega rétt þegar hluti gatna í miðborginni var breytt í göngugötur í vor, en skiltin mættu vera meira áberandi.
Ráðist á starfsmann rakarastofu
Lögreglan á höfuðborgarsvæðinu var kölluð á Laugaveg í miðborg Reykjavíkur um klukkan sex síðdegis í gær vegna manns í alvarlegu ástandi sem ráðist hafði á starfsmann rakarastofu.