Get ég horft á RÚV í gegnum gervihnött?

Gervihnattarútsendingu verður haldið áfram en hún er ekki hluti dreifikerfis RÚV heldur þjónusta sem Fjarskiptasjóður kom á laggir með aðstoð Ríkisútvarpsins. 

Frá árinu 2007 voru útsendingar aðgengilegar á grundvelli samnings stjórnvalda við Telenor sem gerður var í kjölfar útboðs á vegum Fjarskiptasjóðs. Útsendingin var einkum ætluð sjófarendum og íbúum á svæðum þar sem móttökuskilyrði hafa verið erfið. Samningurinn var upphaflega gerður til þriggja ára en var framlengdur. 

Dagskrá RÚV er send út á Thor-5 gervihnetti Telenor, aðgangskort má fá hjá RÚV.

Stillingar:
Satellite: Thor 5
Transponder: C12
Downlink frequency: 11389 MHz
Downlink polarisation: Horisontal
Symbol rate: 24,5 Msym/sec
Forward Error Correction: 7/8
DVB-S, QPSK

RÚV rekur víðfemt dreifikerfi og skömmu eftir áramót 2015 lauk uppbyggingu nýs, stafræns dreifikerfis sem leysir eldra kerfi af hólmi. Nýja kerfið nær til 99,9% landsmanna.