Hamfarir

Fimmta stigs fellibylurinn Iota er skollinn á Níkaragva
Fellibylurinn Iota tók land á norðanverðri Atlantshafsströnd Níkaragva laust fyrir klukkan eitt að íslenskum tíma. Iota er fimmta stigs fellibylur, þar sem meðalvindhraðinn nær allt að 72 metrum á sekúndu og hviður eru enn hvassari, skýfall eltir skýfall og sjávarflóð ógna strandbyggðum hvar sem hann fer, segir í viðvörun Bandarísku fellibyljastofnunarinnar. Tugir þúsunda hafa neyðst til að yfirgefa heimili sín í strandhéruðum Níkaragva og Hondúras, þar sem fellibylurinn mun hamast hvað harðast.
Myndskeið
Grímur, sóttkví og nálægðarmörk erfið fyrir fatlaða
Erfitt getur reynst að útskýra fyrir fötluðum það ástand sem nú ríkir vegna kórónuveirufaraldursins. Grímur, hlífðarfatnaður, nálægðar takmarkanir og röskun á reglulegri dagskrá getur verið átakanleg fyrir þennan hóp.
15.11.2020 - 20:42
Nær hálf milljón Víetnama flýr yfirvofandi fellibyl
Stjórnvöld í Víetnam hafa gert um 460.000 manns að yfirgefa heimili sín og koma sér í öruggt skjól vegna yfirvofandi ofsaveðurs. Fellibylurinn Vamco, sem varð minnst 42 að fjörtjóni á Filippseyjum í vikunni og eyðilagði eða stórskemmdi yfir 300.000 heimili á Luzon-eyju, er byrjaður að láta til sín taka við strönd Víetnams, þar sem hann mun ganga á land með morgninum.
15.11.2020 - 04:07
Erlent · Asía · Hamfarir · Veður · Víetnam · Filippseyjar · fellibylur
Enn einn fellibylurinn dynur á Mið-Ameríku
Byrjað er að rýma bæi við Atlantshafsströnd Hondúras þar sem annar fellibylurinn á tveimur vikum og sá þrítugasti á þessu ári mun taka land á morgun, sunnudag, gangi spár eftir.
42 fórust á Filippseyjum og þúsundir enn í vanda
Minnst 42 létu lífið þegar fellibylurinn Vamco gekk yfir Filippseyjar í vikunni og björgunarstörfum er langt í frá lokið. Strandgæsla, her, slökkvilið og aðrir viðbragðsaðilar keppast enn við að bjarga þúsundum íbúa Kagajan-héraðs á norðurodda Luzoneyju, sem komast hvorki lönd né strönd vegna flóða í kjölfar fellibylsins. Wamco var þriðji fellibylurinn sem skall á Filippseyjum á þremur vikum, en sá 21. og jafnframt sá mannskæðasti á árinu.
14.11.2020 - 04:09
Minnst 14 látin í flóðum og skriðum á Filippseyjum
Fellibylurinn Vamco, sem herjað hefur á Luzon-eyju, stærstu eyju Filippseyja síðustu daga, hefur kostað minnst 14 mannslíf, samkvæmt upplýsingum frá yfirvöldum, og minnst jafnmargra er saknað. Talsmaður almannavarna upplýsti að enn gæti fjölgað í þessum hópi, og raunar hefur herinn, sem staðið hefur í ströngu í björgunarstörfum, sagt að 39 séu látin og 22 saknað.
13.11.2020 - 06:33
Mikil flóð eftir þriðja fellibylinn á þremur vikum
Mikil flóð eru nú í og við Manila, höfuðborg Filippseyja, eftir að fellibylurinn Vamco fór þar yfir með stólparok og steypiregn. Fjöldi fólks forðaði sér upp á húsþök og kemst hvergi þar sem heilu hverfin mara í hálfu kafi. Yfirvöld vara við hættu á frekari flóðum, aurskriðum og mögulega sjávarflóðum í Manila og nágrenni, þar sem yfir 12 milljónir manna búa.
12.11.2020 - 06:23
Eta veldur enn meira manntjóni
Hitabeltisstormurinn Eta heldur áfram að valda usla í Mið-Ameríku. Hann færir sig hægt norður á bóginn og er nú yfir Mexíkó. Minnst tuttugu eru látnir í Chiapas-fylki í sunnanverðu Mexíkó að sögn yfirvalda þar. Mikið manntjón varð einnig í Hondúras og Gvatemala. 23 hafa fundist látnir af völdum flóða í Hondúras, og um 150 eru taldir af eftir að aurskriða féll á þorp í Gvatemala.
07.11.2020 - 23:37
Óttast um afdrif 150 þorpsbúa í Gvatemala
Um 150 eru látnir eða er saknað eftir að aurskriða af völdum óveðursins Eta hreif heilt þorp með sér í Gvatemala í dag. Forsetinn Alejandro Giammattei greindi frá þessu í kvöld. Áður höfðu um tuttugu manns týnt lífi í Mið-Ameríku af völdum Eta, sem kom að landi í Níkaragva á þriðjudag sem fjórða stigs fellibylur.
07.11.2020 - 03:30
Minnst tólf látnir í óveðri í Mið-Ameríku
Stormurinn Eta, sem fer nú yfir Mið-Ameríku í formi hitabeltislægðar, hefur orðið minnst tólf manns að bana. Heimili þúsunda í Níkaragva, Hondúras og Gvatemala voru hrifsuð á brott í aurskriðum af völdum óveðursins.
06.11.2020 - 01:24
Þrír létust í fellibyl í Níkaragva
Að minnsta kosti þrír eru látnir eftir að fellibylurinn Eta reið yfir Mið-Ameríku af miklu afli. Bylurinn mældist á fjórða og næst efsta stigi þegar hann náði landi í Níkaragva í fyrradag, þar sem hann reif tré upp með rótum, feykti niður veggjum og tætti þök af húsum við norðurströnd landsins. Vindhraði náði allt að 58 metrum á sekúndu.
05.11.2020 - 02:09
100 dóu í skjálftanum í Tyrklandi á föstudag
Eitt hundrað manns hafa fundist látin eftir jarðskjálftann sem reið yfir vestanvert Tyrkland á föstudag. Þetta kemur fram í tilkynningu frá Almannavörnum í Tyrklandi. Minnst 994 slösuðust í skjálftanum, sem olli mikilli eyðileggingu í borginni Izmir og nágrenni.
03.11.2020 - 06:25
Fjórða stigs fellibylur ógnar Hondúras og Níkaragva
Íbúar Hondúras og Níkaragva búa sig undir hið versta þar sem fellibylurinn Eta, sem skella mun á ströndum landanna í nótt, hefur magnast upp í fjórða stigs fellibyl á leið sinni yfir Karíbahafið. Meðalvindhraði í fárviðrinu mælist allt að 66 metrar á sekúndu og úrkoman er geypileg.
03.11.2020 - 04:11
Minnst 16 fórust í fellibylnum Goni
Minnst 16 létust í hamförunum af völdum ógnarstormsins Goni, sem gekk yfir hluta Filippseyja um helgina og skildi eftir sig slóð eyðileggingar. Goni er 18. fellibylurinn sem skellur á Filippseyjum í ár og sá öflugasti sem geisað hefur í heiminum það sem af er þessu ári. Mestur meðalvindhraði mældist yfir 60 metrar á sekúndu og í heiftarlegustu hviðunum fór hann upp fyrir 85 metra á sekúndu.
02.11.2020 - 05:35
Erlent · Asía · Hamfarir · Veður · Filippseyjar · Víetnam · fellibylur
Minnst fjögur látin í fárviðri á Filippseyjum
Fellibylurinn Goni, sem nú hamast á sunnanverðum Filippseyjum, hefur kostað minnst fjögur mannslíf til þessa. Yfirvöld vara við „skelfilegum aðstæðum" á hamfarasvæðinu, sem hundruð þúsunda hafa neyðst til að flýja í aðdraganda ofsaveðursins.
01.11.2020 - 06:50
Feiknarstormur skellur á Filippseyjum
Fellibylurinn Goni skall í kvöld á eyjunni Catanduanes við suðausturodda Luzon, stærstu eyju Filippseyja. Goni er fimmta stigs fellibylur og hefur meðalvindhraði mælst allt að 62 metrar á sekúndu á síðustu klukkustundum. Allt að milljón manns hefur yfirgefið heimili sín á Luzon-eyju sunnanverðri, og forðað sér í öruggt skjól.
31.10.2020 - 23:37
Þúsundir flýja fimmta stigs fellibyl á Filippseyjum
Þúsundum Filippseyinga hefur verið fyrirskipað að rýma heimili sín og forða sér í öruggt skjól áður en fellibylurinn Goni skellur á stærstu eyjunni, Luzon, á sunnudag. Goni er fimmta stigs fellibylur sem stefnir í að verða sá öflugasti sem gengið hefur yfir Filippseyjar síðan fellibylurinn Haiyan varð yfir 6.300 manns að bana þar í landi í nóvember 2013. Meðalvindhraðinn mælist nú næstum 60 metrar á sekúndu og tæplega 74 metrar á sekúndu í hviðum.
31.10.2020 - 05:35
25 látin og tuga saknað eftir óveður í Víetnam
Minnst sextán létu lífið í aurskriðum í Víetnam í gær þegar fellibylurinn Molave fór þar hamförum og ekki færri en tólf sjómenn fórust í óveðrinu. Úrhellisrigningar fylgdu storminum og ollu flóðum og aurskriðum, einkum í afskekktum héruðum um miðbik landsins. Tuga er enn saknað. Hundruð hermanna leita eftirlifenda í húsarústum og þykkum aurlögum og er stórvirkum vinnuvélum beitt við björgunarstörfin. Þá stendur leit enn yfir að fjórtán fiskimönnum sem saknað er.
29.10.2020 - 03:24
Erlent · Asía · Hamfarir · Flóð í Asíu · Veður · Víetnam · Flóð · fellibylur
Silverado-eldurinn kviknaði mögulega út frá rafmagni
Ógnarmikill gróðureldur sem blossaði upp í Kaliforníu í fyrradag kviknaði mögulega út frá neistum frá háspennulínu. Talsmaður orkufyrirtækisins sem ber ábyrgð á háspennulínunni greindi frá þessu í gærkvöld.
28.10.2020 - 06:28
Myndskeið
„Það kemur vonandi dagur eftir þennan dimma dag“
25 ár eru frá einhverjum mannskæðustu náttúruhamförum landsins í seinni tíð; snjóflóðinu á Flateyri. Minningarathöfn verður í bænum í kvöld þar sem kveikt verður á blysum til minningar um þá tuttugu sem fórust.
Dregið hefur úr skjálftavirkni á Reykjanesskaga
Talsvert hefur dregið úr skjálftavirkni á Reykjanesskaga, en þar varð skjálfti upp á 5,6 á þriðjudaginn. Frá miðnætti hafa mælst þar 38 jarðskjálftar. Þar af var einn yfir tveir að stærð, hann varð um klukkan hálf tvö síðustu nótt og mældist 2,2.
Myndskeið
Vörur köstuðust til og maður í górillubúningi hljóp um
Allt lék á reiðiskjálfi þegar jarðskjálfti af stærðinni 5,6 reið yfir skammt frá Krýsuvík á Reykjanesskaga eftir hádegi og fannst um allt land. Í verslun Krónunnar köstuðust vörur úr hillum. Grjót hrundi úr hlíðum skammt frá upptökunum og manni sem var að máta górillubúning í miðbæ Reykjavíkur brá töluvert.
„Ég hef aldrei upplifað neitt eins og þetta“
Kjartan Már Kjartansson, bæjarstjóri í Reykjanesbæ, segir að hann hafi aldrei fundið eins harðan skjálfta og þann sem reið yfir eftir hádegið í dag. Hann hefur ekki heyrt af skemmdum eða slysum á fólki.
Óvenju mörg illviðri á Atlantshafi
Óvenju mörg illviðri hafa geisað á Atlantshafi í ár og stefnir í að fleiri stormar fái eigið nafn en nokkru sinni fyrr. Tuttugasti og sjötti stormurinn í ár var í gær nefndur Epsilon. Hann gæti gengið á land á Bermúda-eyjum síðar í vikunni.
Stærsti gróðureldur í sögu Colorado
Stærsti gróðureldur í Colorado sem sögur fara af hefur brunnið síðan 13. ágúst og fer enn stækkandi. Fyrra met var líka sett í sumar; sá eldur brann frá júlílokum fram í miðjan september. Eldurinn sem nú logar í norðanverðu Coloradoríki er kenndur við Cameronhnúk og er farinn að teygja sig hættulega nærri borginni Fort Collins, segir í frétt Washington Post.
16.10.2020 - 05:41