Athugið þessi frétt er meira en 4 ára gömul.

Vinningstillaga að nýbyggingu á Alþingisreit

17.12.2016 - 16:01
Mynd með færslu
 Mynd: Alþingi
Arkitektar Studio Granda hlutu í dag fyrstu verðlaun í hönnunarsamkeppni um nýbyggingu á Alþingisreit, en alls bárust 22 tillögur í samkeppnina.

Í niðurstöðu dómnefndar segir meðal annars að vinningstillagan feli í sér sannfærandi og listræna heildarlausn á þeim húsnæðis- og skipulagsmálum Alþingis sem aðkallandi sé að hrinda í framkvæmd, og dýrmæta möguleika til framtíðarþróunar á húsakosti þingsins.

Arkitektar hússins eru hjónin Margrét Harðardóttir og Steve Christer, þau sömu og teiknuðu Ráðhús Reykjavíkur fyrir tæpum þrjátíu árum, árið 1987. Sjá má allar tillögurnar sem bárust á fyrstu hæð Landsímahússins síðdegis á morgun og alla virka daga fram að áramótum. 

 

Mynd með færslu
 Mynd: Alþingi
2.verðlaun. Höfundar: T.ark arktektar
Mynd með færslu
 Mynd: Alþingi
3.verðlaun. Höfundar: PKdM arkitektar
Ægir Þór Eysteinsson
Fréttastofa RÚV