Athugið þessi frétt er meira en 4 ára gömul.

Villeneuve vildi tónlist í anda Vangelis

epa06213465 Canadian director Denis Villeneuve poses during the photocall for ''Blade Runner 2049'' in Rome, Italy, 19 September 2017. The movie opens in Italian theaters on 05 October.  EPA-EFE/ETTORE FERRARI
 Mynd: RÚV/samsett mynd

Villeneuve vildi tónlist í anda Vangelis

05.10.2017 - 11:11

Höfundar

Leikstjórinn Dennis Villeneuve segir að ástæðu þess að tónlist Jóhanns Jóhannssonar hafi verið tekin úr Blade Runner 2049 vera að hann hafi viljað tónlist meira í anda upprunalegu Blade Runner.

Í Indiewire er haft eftir Villeneuve að kvikmyndagerð sé tilraunastofa og listrænt ferli sem ekki sé hægt að ákveða fyrirfram. „Jóhann Jóhannsson er eitt af mínum uppáhalds núlifandi tónskáldum. En myndin þarfnaðist einhvers annars,“ segir Villeneue. Hann nefnir að hann hafi viljað að tónlistin hljómaði meira eins og hljóðrás gríska tónlistarmannsins Vangelis við upprunalegu Blade Runner og þess vegna hafi þeir Jóhann ákveðið að slíta samstarfinu. „En ég vona að fái tækifæri til að vinna með honum aftur því hann er frábært tónlskáld.“ Jóhann Jóhannsson gerði tónlist við þrjár síðustu myndir Villeneuve Prisoners, Arrival og Sicario og hlaut óskarstilnefningu fyrir þá síðastnefndu.

Í byrjun ágúst var tilkynnt að Hans Zimmer og Benjamin Wallfisch hefðu verið ráðnir til að leggja Jóhanni lið við tónlist Bladerunner en hann myndi samt sem áður semja aðalstefið. Frá því var síðan horfið og Jóhann Jóhannsson á enga tónlist í myndinni og má víst samkvæmt samningi ekki tjá sig um starfslokin opinberlega.

Tengdar fréttir

Tónlist

Jóhann semur ekki tónlist fyrir Blade Runner

Tónlist

Hans Zimmer með Jóhanni í Blade Runner 2049

Tónlist

Kærkomin viðbót við höfundarverk Jóhanns

Tónlist

Jóhann Jóhannsson semur tónlist Blade Runner 2