Kvikmyndin Vetrarbræður, sem Hlynur Pálmason leikstýrði, hlaut í gærkvöld dönsku Bodil-verðlaunin sem besta kvikmynd síðasta árs. Myndin hefur hlotið mikið lof gagnrýnenda í Danmörku og fengið fjölda verðlauna, meðal annars aðalverðlaunin á kvikmyndahátíðinni í Kaupmannahöfn síðasta haust. Þá var hún einnig valin besta myndin á kvikmyndahátíðinni Robert í febrúar.