Mynd:
Athugið þessi frétt er meira en 2 ára gömul.
Vegum mögulega lokað vegna veðurs
Slæmu veðri er spáð víða um land á morgun. Veðurstofan hefur gefið út appelsínugula viðvörun á Suðurlandi, Suðausturlandi og á miðhálendinu. Hún tekur gildi eftir hádegi. Fólk er hvatt til að sýna aðgát og hafa í huga að það verður ekkert ferðaveður.
Gul viðvörun verður í gildi aðfaranótt þriðjudags í öðrum landshlutum og fram eftir degi, fyrir utan höfuðborgarsvæðið. Þar verður engin viðvörun í gildi.
Búast má við að vegum verði lokað á milli Hvolsvallar og Víkur, á Skeiðarársandi og í Öræfasveit á morgun vegna veðursins, að því er fram kemur á vef Vegagerðarinnar. Ef til lokana kemur, þá er líklegt að þær standi fram undir hádegi á þriðjudag.
Viðvörun: Seinnipartinn á morgun, mánudaginn 11. mars, má búast við lokunum vega á milli Hvolsvallar og Víkur, á Skeiðarársandi og í Öræfasveit. Ef til lokana kemur má búast við að þær standi fram undir hádegi á þriðjudag, 12 mars. #færðin
— Vegagerðin | Iceland Roads (@Vegagerdin) March 10, 2019
