Athugið þessi frétt er meira en 7 ára gömul.

Vatnsflaumur í austurenda ganganna

18.04.2015 - 20:31
Mynd með færslu
Mynd úr safni. Vatnsflaumurinn í gær og í dag er mun meiri en á þessari mynd. Mynd: RÚV
Mikið vatn hefur flætt í Vaðlaheiðargöngum eftir að vatnsæð opnaðist í göngunum í gær. Nú ber svo við að vatnsflaumurinn er austanmegin í göngunum, í Fnjóskadal, en hingað til hafa helstu vatnsflóðin verið í vesturenda ganganna.

Einar Hrafn Hjálmarsson staðarstjóri segir að ansi mikið vatn sé í göngunum og að dælur séu þar í gangi til að vinna á vatnsflaumnum. Hann segir að það sé of snemmt að segja til um hvort og þá hversu lengi vatnsflaumurinn tefji vinnu í göngunum. Það skýrist á næstu dögum.

Leiðrétt: Upphaflega var sagt að heitavatnsæð hefði opnast. Það er rangt. Þetta er kalt vatn.

Brynjólfur Þór Guðmundsson
Fréttastofa RÚV