Úrslit sveitarstjórnarkosninga í Eyjum standa

Mynd með færslu
Vestmannaeyjar Mynd: RÚV
Úrslitin í sveitarstjórnarkosningunum í Vestmannaeyjum standa. Sjálfstæðisflokkurinn í Vestmannaeyjum kærði úrslitin en hann tapaði meirihluta sínum á aðeins fjórum atkvæðum.

Kæran tók annars vegar til fjögurra utankjörfundaratkvæða sem yfirkjörstjórn úrskurðaði ógild og hins vegar myndbirtingar af atkvæðaseðli á samfélagsmiðlum. Sýslumaðurinn í Eyjum sendi úrskurð sinn út rétt fyrir hádegi og hafnaði kærunni þannig að úrslit kosninganna standa.

Trausti Hjaltason bæjarfulltrúi Sjálfstæðisflokksins í Vestmannaeyjum segir að farið verði yfir úrskurðinn til að ákveða hvort honum verði áfrýjað til dómsmálaráðuneytisins.

Björn Friðrik Brynjólfsson
Fréttastofa RÚV
Síðast:
Þessi þáttur er í hlaðvarpi