Mynd:
Athugið þessi frétt er meira en 9 ára gömul.
Umhugsunarefni fyrir sérstakan saksóknara
Þórður Bogason,verjandi Guðmundar Hjaltasonar, segir að niðurstaðan í Vafningsmálinu hljóti að vera umhugsunarefni fyrir embætti sérstaks saksóknara miðað við hversu hátt var reitt til höggs í málinu. Bæði Guðmundur og Lárus Welding fengu níu mánaða dóm, þar af voru sex mánuðir skilorðsbundnir.
Saksóknari hafði hins vegar krafist þess að Lárus og Guðmundur fengju þunga dóma fyrir sinn þátt en þeir voru ákærðir fyrir umboðssvik í tengslum við tíu milljarða lán til Milestone.
Samkvæmt upplýsingum fréttastofu hefur hvorugur málsaðila tekið ákvörðun um hvort úrskurði Héraðsdóms Reykjavíkur verði skotið til Hæstaréttar en þeir hafa nú fjórar vikur til að fara yfir dóminn.
Hér að ofan má sjá viðtal við Þórð.
