Athugið þessi frétt er meira en 3 ára gömul.

Tvíhöfði skemmtir á Aldrei fór ég suður

Mynd með færslu
 Mynd: Aldrei fór ég suður - RÚV

Tvíhöfði skemmtir á Aldrei fór ég suður

05.04.2019 - 15:34

Höfundar

Þeir Jón Gnarr og Sigurjón Kjartansson koma fram á kvöldskemmtun á skírdag á Aldrei fór ég suður á Ísafirði.

Í dag opnaði upplýsingamiðstöð þar sem tilkynnt var um heildardagskrá hátíðarinnar, en tvær vikur eru í að hún hefjist. Aðaldagskráin er á Ísafirði og hliðardagskráviðburðir verða meðal annars á Flateyri og Suðureyri. Auk Tvíhöfða bættust þau Auður, Bríet, Between Mountains og Ásta við hliðardagskránna.

Upplýst var um aðaldagskrá Aldrei fór ég suður í febrúar en þar koma meðal annars fram Todmobile, Jónas Sig, Berndsen, Svala Björgvins, Mammút, Teitur Magnússon og fleiri.

Rjómi, smokkar og rifsberjahlaup

Það verður að teljast til tíðinda að Tvíhöfði komi fram en það gerist sjaldan eða aldrei. Það gerðist síðast fyrir fimmtán árum síðan en þeirra fyrsta eiginlega uppistand átti sér einmitt stað á Ísafirði á skólaskemmtun í Menntaskólanum á Ísafirði árið 1995. Það var núverandi rokkstjóri Aldrei fór ég suður sem bókaði Tvíhöfða þangað á sínum tíma.

„Það var mjög eftirminnileg kvöldstund, ekki eiginlegt uppistand, ekki endilega leiksýning, ekki tónleikar en kannski einmitt allt í senn. Það sem var ógleymanlegt var að ég fékk símtal frá þeim viku fyrr, þar sem þeir settu fram kröfur um svokallaðan ræder. Á þeim lista var rjómi, pakki af smokkum, smámynt, límband og rifsberjahlaup,” segir Kristján Freyr Halldórsson rokkstjóri Aldrei fór ég suður.

Mynd með færslu
 Mynd: Sigurjón Kjartansson og Jón Gn - RÚV
Tvíhöfði kemur fram í fyrsta sinn í fimmtán ár

Tónlistarveisla og „kroppasæla“

Á föstudeginum langa verða tónleikar og opnun í Lýðháskólanum á Flateyri í samvinnu við Aldrei fór ég suður. Þar koma fram Gosi, Árný, Ómi Cé Andi, Between Mountains og Ásta sem er einn nemenda Lýðháskólans. Ásta er nú stödd í Reykjavík þar sem hún komst áfram á lokakvöld Músiktilrauna sem fram fer á laugardagskvöld. Á laugardag verða svo tónleikar Aldrei fór ég suður og 66°Norður á Suðureyri þar sem fram munu koma Between Mountains, JóiPé & Króli, Bríet og Auður sem hélt útgáfutónleika sína á dögunum.

Loks kom fram á opnun upplýsingamiðstöðvarinnar að Aldrei Mathöll verði starfrækt á tónleikasvæðinu um páskahelgina og þar verður meðal annars boðið upp á goðsagnakenndan skyndbitarétt ættaðan frá Ísafirði sem kallast Kroppsæla. Kroppsælan var í formlegri könnun fjölmiðla fyrir nokkrum árum síðan valinn besti þynnkubitinn á landinu og ættu því margir að gleðjast.

Tengdar fréttir

Tónlist

Hætta við Sónar vegna gjaldþrots WOW

Tónlist

Aldrei og Heima

Mynd með færslu
Tónlist

Íslensku tónlistarverðlaunin 2019

Tónlist

Svala og JóiPé x Króli á Aldrei fór ég suður