Tugir sakaðir um spillingu í Brasilíu

04.03.2015 - 10:06
Mynd með færslu
Dilma Rousseff, forseti Brasilíu. Mynd:
Saksóknari í Brasilíu hefur farið fram á að rannsókn verði gerð á meintu spillingarmáli brasilískra stjórnmálamanna og ríkisrekna olíufyrirtækisins Petrobras.

Spillingarmál tengd fyrirtækinu komust í hámæli eftir að uppljóstrarinn Edward Snowden birti upplýsingar um hleranir þjóðaröryggistofnunar Bandaríkjanna á samtölum Dilmu Rousseff, forseta Brasilíu, hátt settra embættismanna og yfirmanna Petrobras.

Saksóknari hefur farið fram á að 54 stjórnmálamenn sæti rannsókn vegna málsins. Mótmæli eru tíð í Brasilíu vegna meintra spillinga stjórnvalda, þúsundir gengu fylktu liði um miðborg Sao Paulo í desember síðastliðnum og mótmæltu spillingu og endurkjöri forsetans.

 

Kristján Róbert Kristjánsson
Fréttastofa RÚV
Síðast:
Þessi þáttur er í hlaðvarpi