Athugið þessi frétt er meira en 11 ára gömul.

Þýskur ferðamaður fundinn

25.05.2011 - 18:18
Mynd með færslu
 Mynd:
Þýskur ferðamaður, sem leitað var að norðan Vatnajökuls í dag, er fundinn heill á húfi. Samkvæmt tilkynningu frá Landhelgisgæslunni var það þyrlan TF-Gná sem fann manninn en hann var þá staddur um 14 km suðvestur af Fjórðungsöldu. Var hann í ágætu ástandi miðað við aðstæður en kaldur og hrakinn.

Um 60 björgunarsveitamenn voru við leit á svæðinu þegar maðurinn fannst og fleiri á leiðinni. Búið var að kalla út sveitir af Suðurlandi, Norðurlandi, höfuðborgarsvæðinu og Suðurnesjum því allt kapp var lagt á að finna manninn fyrir myrkur.