Þúsundum mjóhunda lógað á ári hverju

28.09.2015 - 09:54
Mynd með færslu
 Mynd: Bergadder - pixabay
Þúsundum mjóhunda er lógað á ári hverju vegna þess að þeir henta ekki til veðhlaupa.

 

Mjóhundar eru afar sprettharðir og vinsælir á veðhlaupabrautum, meðal annars í Ástralíu. Sjónvarpsstöðin ABC í Ástralíu upplýsti í febrúar að þegar verið væri að þjálfa hundana, væru þeir látnir elta uppi lifandi dýr, svo sem grísi, kanínur og pokarottur. Nefnd sem sett var á fót til að rannsaka þessar staðhæfingar, greindi frá niðurstöðum sínum í dag.

Nefndarmenn fullyrða að 13.000-17.000 heilbrigðum mjóhundum sé lógað á ári hverju. Allt of margir hundar séu aldir og ekkert gert til að reyna að finna heimili handa þeim sem ekki henta fyrir veðhlaup. Þeim sé einfaldlega lógað.

Kári Gylfason
Fréttastofa RÚV
Síðast:
Þessi þáttur er í hlaðvarpi