Athugið þessi frétt er meira en 3 ára gömul.

Þriðju áramótum ársins fagnað

Mynd:  / 

Þriðju áramótum ársins fagnað

17.04.2018 - 12:05

Höfundar

Það er komið að þriðju áramótum Daða og Árnýjar í Kambódíu. Í Kambódíu fagna menn nýju ári að hætti vesturlandabúa, Kínverja og að lokum þeirra eigin kambódísku áramóta.

Khmer (kambódíska) nýársfögnuðurinn stendur í þrjá daga og er mikil hátíð. Það mætti líkja þessari hátíð við íslensk jólahöld. Fjölskyldan kemur saman, borðar, dansar og syngur. Fólk heiðrar forfeður sína og látna ættingja, þrífur dýrlingastyttur og grafhýsi auk þess að færa þeim gjafir. Árný og Daði dansa khmer dansa með innfæddum og fagna nýja árinu í innflytjenda-garðveislu þar sem Daði tekur lagið. Skötuhjúin rekast á sölubás með steiktum pöddum og smakka nokkrar engisprettur og bjöllur.