„Það sem ég lærði fyrst var að skríða“

26.02.2017 - 23:13
Mynd: RÚV / RÚV
„Þegar ég kom í sjónvarpið í fyrsta sinn beint úr skóla, þá hélt ég að ég væri klárari en allir aðrir,“ sagði Gunnar H. Baldursson, betur þekktur sem Gunni Bald, í ræðu sinni á Edduverðlaununum. Honum var hins vegar fyrst kennt að komast niður á jörðina eins og hann sýnir í meðfylgjandi myndskeiði.

Það er óhætt að segja að Gunnar H. Baldursson sem hlaut heiðursverðlaun Eddunnar fyrir áratugastörf við leikmyndagerð í sjónvarpi og kvikmyndum hafi farið á kostum í þakkarræðu sinni á Edduverðlaunahátíðinni á Hotel Nordica.

Mynd: RÚV / RÚV
Ræða Gunnars í fullri lengd.

Gunnar útskrifaðist úr námi 1971 og hóf þá störf á Ríkisútvarpinu. Hann hefur smíðað leikmyndir fyrir gríðarlega mikið af sjónvarpsefni og sá um leikmynd Spaugstofunnar allan tímann sem hún var starfandi. Þá vann hann leikmynd í kvikmyndir á borð við Óðal feðranna, Hrafninn flýgur, Algjör Sveppi og Gói bjargar málunum. Hann er líka afar lipur brúðugerðamaður og skapaði meðal annars þá kumpána Glám og Skrám, Pál Vilhjálmsson og Binna Bankastjóra.

Mynd: RÚV / RÚV
Ferill Gunnars H. Baldurssonar er langur og tilkomumikill.
davidrg's picture
Davíð Roach Gunnarsson
vefritstjórn
Síðast:
Þessi þáttur er í hlaðvarpi