Athugið þessi frétt er meira en 4 ára gömul.

Táknmálsfréttir: Húh!

Mynd: RÚV / RÚV

Táknmálsfréttir: Húh!

09.10.2017 - 17:50
Guðmundur Ingason, táknmálsfréttamaður á RÚV, hefur vakið athygli fyrir vasklega framgöngu á skjánum þegar Ísland spilar mikilvæga landsleiki. Á því var engin undantekning í dag þegar Guðmundur brá sér inn í myndver þar sem Elsa Guðbjörg Björnsdóttir flutti táknmálsfréttir og saman kláruðu þau fréttatímann með tilþrifum.

Fyrir þá sem ekki skilja táknmál þá sagði Elsa eftirfarandi:

Í kvöld klukkan 18:45 hefst leikur Íslands og Kósóvó. Takist íslenska karlalandsliðinu í knattspyrnu ap tryggja sér keppnisrétt á HM í Rússlandi á næsta ári yrði Ísland fámennasta þjóðin frá upphafi til að komast á HM. Ísland getur með sigri tryggt sér farseðilinn til Rússlands. Fámennasta þjóðin sem komist hefur í lokakeppni HM til þessa er Trínidad og Tóbago. Landslið þeirra komst á HM í Þýskalandi 2006 en þá var íbúafjöldinn þar 1,3 milljónir. Takist ætlunarverk Íslands í kvöld yrði því um sögulegt afrek að ræða. Ísland yrði þá eina þjóðin í sögunni með undir milljón íbúa til að spila í lokakeppni HM. Hægt er að horfa á beina útsendingu á RÚV. HÚH!