Athugið þessi frétt er meira en 7 ára gömul.

Sveitarfélagið Skagaströnd

Mynd með færslu
 Mynd:
Á Skagaströnd bjuggu 498 þann 1. janúar 2014. Sveitarfélagið er í 49. sæti yfir fjölmennustu sveitarfélög landsins. Tveir listar bjóða fram að þessu sinni, Skagastrandarlistinn og Ð-listinn - Við öll.

Einn listi, H-listi, Skagastrandarlistinn bauð fram fyrir kosningarnar 2010 og var því sjálfkjörinn án atkvæðagreiðslu. Fimm fulltrúar eru í hreppsnefnd. Á kjörskrá voru 360.

Á Skagaströnd er innheimt hámarksútsvar. Skatttekjur á hvern íbúa árið 2012 námu 647.846 krónum, þegar framlag Jöfnunarsjóðs sveitarfélaga er talið með, sem er yfir landsmeðaltali. Gert er ráð fyrir að sveitarfélagið fái tæpar 100 milljónir króna í framlög frá Jöfnunarsjóði sveitarfélaga á þessu ári. Skuldir sveitarfélagsins í árslok 2012 námu 91,2 % af árstekjum. Samkvæmt samantekt Íslandsbanka frá því í febrúar 2013 var Skagaströnd eitt þeirra sveitarfélaga sem er með litla skuldsetningu og stendur rekstur vel undir skuldum, miðað við gefnar forsendur. Þær upplýsingar voru unnar úr ársreikningum sveitarfélaganna fyrir árið 2011.