Athugið þessi frétt er meira en 7 ára gömul.

Súðavíkurhreppur

14.05.2014 - 18:35
Mynd með færslu
 Mynd:
Í Súðavíkurhreppi bjuggu 202 þann 1. janúar 2014. Sveitarfélagið er í 62. sæti yfir fjölmennustu sveitarfélög landsins. Tveir listar verða í framboði þar, Lýðræðislistinn og Hreppslistinn.

Í síðustu kosningum buðu fram tveir listar, F-listi og L-listi. L-listinn hlaut afgerandi kosningu, fékk 90 atkvæði og fjóra fulltrúa af fimm í hreppsnefnd. F-listi fékk 18 atkvæði og einn fulltrúa. Alls voru 142 á kjörskrá.

Í Súðavíkurhreppi er innheimt hámarksútsvar. Skatttekjur á hvern íbúa árið 2012 námu 854.791 krónum, þegar framlag Jöfnunarsjóðs sveitarfélaga er talið með, sem er vel yfir landsmeðaltali. Gert er ráð fyrir að sveitarfélagið fái rúmlega 80 milljón króna í framlög frá Jöfnunarsjóði sveitarfélaga á þessu ári. Skuldir sveitarfélagsins í árslok 2012 námu 47,5% af árstekjum. Samkvæmt samantekt Íslandsbanka frá því í febrúar 2013 var Súðavíkurhreppur eitt þeirra sveitarfélaga sem skulda lítið og stendur rekstur vel undir núverandi skuldsetningu miðað við gefnar forsendur. Þær upplýsingar voru unnar úr ársreikningum sveitarfélaganna fyrir árið 2011.