Mynd: Vilhjálmur Þór Guðmundsson - RÚV
Athugið þessi frétt er meira en 3 ára gömul.
Styðja ekki frumvarp um lækkun kosningaaldurs
Brynjar Níelsson og Óli Björn Kárason, þingmenn Sjálfstæðisflokks í stjórnskipunarnefnd, styðja ekki frumvarp um að lækka kosningaaldur til sveitarstjórnkosninga í 16 ár en þeir beina því til Alþingis að skipuð verði nefnd til að endurskoða lög um kosningar með það að markmiði að til verði ein heildstæð löggjöf um allar kosningar hér á landi.
Í þeirri vinnu sé skynsamlegt að tekið verði mið af því að kosningaaldur og kjörgengi verði 16 ár. Þorsteinn Sæmundsson þingmaður Miðflokksins í stjórnskipunarnefnd styður frumvarpið en vill að gildistaka verði ekki fyrr en 1. janúar 2020 og Líneik Anna Sævarsdóttir þingmaður Framsóknar í nefndinni styður það sömuleiðis en vill gildistöku 1. janúar 2019.
Fréttastofa greindi frá því fyrr í dag að meirihluti nefndarinnar styddi frumvarpið.
