Staða landbúnaðarins verði skýrð

23.09.2010 - 07:19
Mynd með færslu
 Mynd:
Bændasamtök Íslands hafa sent utanríkisráðherra og utanríkismálanefnd bréf þar sem þess er krafist að staða landbúnaðar í samningaferlinu við Evrópusambandið verði skýrð.

Samtökin telja að bæði stjórnvöld og Evrópusambandið hafi þrýst verulega á um að stjórnsýsla og löggjöf verði aðlöguð að reglum Evrópusambandsins meðan á aðildarviðræðunum stendur og áður en aðildarumsóknin hefur fengið stjórnskipulega meðferð. Það sé í andstöðu við það sem sagt var þegar aðildarumsóknin var send.

Haraldur Benediktsson, formaður Bændasamtakanna, segir að bændum sé nú gert að breyta starfsháttum sínum svo þeir samræmist því sem tíðkast í löndum Evrópusambandsins. Til að mynda er þeim gert að breyta upplýsingakerfum sínum og greiðslukerfum. Bændur séu ósánægða með þetta.

„Síðan höfum við þessa yfirlýsingu utanríkisráðherra um að ekkert eigi að gera fyrr en kosning um aðildarsamning liggi fyrir en það er ekki rétt að það geti gengið upp,“ segir hann. Bændasamtökin vilji því að staða landbúnaðarins í aðlögunarviðræðum við ESB verði skýrð. „Við viljum fá botn í hvað þetta er svo við vitum hvað er að gerast,“ segir Haraldur.

Síðast:
Þessi þáttur er í hlaðvarpi