Eva Björk segir að erfiðlega hafi gengið að komast á samning. „Þegar ég hringdi símtöl til að kanna vinnu, þá fékk ég alltaf sömu spurninguna, hvort ég ætti börn. Það fyndna var að strákarnir í skólanum fengu aldrei þessa spurningu þegar þeir hringdu,“ segir Eva Björk.
Hún situr í stjórn Félags fagkvenna. Innan við eitt prósent húsasmiða eru konur. Konur sem vinna í karlægum iðngreinum eru oft eini kvenmaðurinn á vinnustaðnum og því ákváðu þær að stofna með sér félag og reyna að breyta staðalímyndum iðnaðarmanns.
