Athugið þessi frétt er meira en 5 ára gömul.

Soreda gaf sig fram—„við góða andlega heilsu“

13.07.2017 - 13:04
Mynd með færslu
 Mynd: Lögreglan á Suðurnesjum
Franska ferðakonan Louise Soreda, sem lögreglan lýsti eftir í gær að beiðni foreldra hennar, gaf sig fram við lögregluna á Suðurnesjum í hádeginu. Með henni var samlandi hennar og að sögn lögreglu virtist hún við „góða andlega heilsu.“

Fjölskyldu Louise og Interpol í París hefur verið komið í samband hana og mun hún halda ferðalagi sínu áfram, segir í tilkynningunni.

Lögreglan fékk fyrirspurn frá Interpol í París í síðustu viku þar sem Louise var leitað þar.  „Ættingjar hennar sáu ástæðu til þess að óttast um líf hennar óskuðu eftir að grenslast yrði um ferðir hennar hér á landi,“ segir í tilkynningu lögreglu.

Við eftirgrennslan lögrelgu sást Soreda á myndum úr öryggismyndavélum sem bentu til þess að hún væri á ferðalagi með karlmanni sem væri eins útbúin, með viðlegubúnað á bakinu.  „Nú í morgun fengust staðfestar upplýsingar um að hún hafði greitt fyrir þjónustu 11. júlí sl. af ferðaþjónustufyrirtæki sem er með starfsemi í Þórsmörk.“

Soreda gaf sig síðan fram við lögregluna á Suðurlandi. Með henni í för var samlandi hennar „og virtist hún við góða andlega heilsu.“ Hún mun halda áfram ferðalagi sínu um landið en fjölskyldu hennar og Interpol í París hefur verið komið í samband við hana.