„Snillingnum er alveg sama um allt“

Mynd með færslu
 Mynd: RÚV

„Snillingnum er alveg sama um allt“

14.02.2017 - 19:43

Höfundar

„Ég veit það ekki. Ég brýt ekki mikið heilann um mína framtíð. Sá er munur á snillingnum og hinum, að snillingnum er alveg sama um allt,“ segir Guðbergur Bergsson rithöfundur aðspurður um hvar hann sjái Tómas Jónsson, titilpersónu einnar sinnar frægustu bókar, eftir 50 ár.

Guðbergur mun lesa upp úr bók sinni Tómas Jónsson - metsölubók á Rás 1 klukkan 21:30 í kvöld en hann segir að trénuð fjölbreytni einkenni íslenskar bókmenntir samtímans. Það séu margir að skrifa og allt sé það voða sætt og margar stjörnur gefnar af gagnrýnendum. „Oft er þetta með einhverjum kvenlegum hjúp sem kemur úr háskólanum, allar með BA og MA próf, ósköp sætar í skrifum sínum. Og gefa stjörnur.“

Hann telur þó möguleika á því að upp komi rithöfundur sem hristi upp í stöðnuðum íslenskum bókmenntaheimi, eftir að kaninn sé farinn af Keflavíkurflugvelli og ferðamennirnar farnir. „Ef það myndast gífurlegt tómarúm, þá getur vel verið að einhver djöfullinn rísi upp, og sópi öllu þessu bókmenntakraðaki í burtu.“

Mynd: RÚV / RÚV
Eiríkur Guðmundsson ræddi við Guðberg Bergsson.

Í kvöld hefst kvöldsaga á Rás 1, en þar mun Guðbergur Bergsson lesa upp úr bók sinni Tómas Jónsson - metsölubók.

Tengdar fréttir

Bókmenntir

„Hatrið er mikilvægt sem sköpunarkraftur“

Myndlist

Guðbergur Bergsson sýnir Picasso og fleira

Bókmenntir

Fjaðrafok á Bókmenntahátíð í Reykjavík 1987

Bókmenntir

Guðbergur Bergsson svarar fyrir sig