Athugið þessi frétt er meira en 2 ára gömul.

Snarpur skjálfti í Mið-Ameríku

02.02.2019 - 02:12
Mynd með færslu
 Mynd:
Jarðskjálfti af stærðinni 6,5 olli skemmdum á mannvirkjum og slasaði þrjá við landamæri Mexíkó og Gvatemala í dag. Að sögn yfirvalda fannst skjálftinn allt frá El Salvador í suðri til Mexíkóborgar í norðri.

Rýma varð háhýsi sem sveifluðust til í Mexíkóborg, sem er í 1.200 kílómetra fjarlægð frá skjálftamiðjunni. Jarðskjálftinn hratt af stað grjótskriðum sem hrundu á og lokuðu þremur þjóðvegum í Gvatemala. Þeir þrír sem slösuðust voru allir í Gvatemala og voru meiðsl þeirra minniháttar. Engar fregnir hafa borist af skemmdum eða meiðslum í Mexíkó.
 

Róbert Jóhannsson
Fréttastofa RÚV