Athugið þessi frétt er meira en mánaðargömul.

Segir Viðreisn treysta Sjálfstæðisflokki

Mynd: RÚV / RÚV
Benedikt Jóhannesson, formaður Viðreisnar, segir að til greina komi að mynda ríkisstjórn með Sjálfstæðisflokknum. Flokkurinn sé búinn að gefa nauðsynleg svör um uppreist æru dæmdra kynferðisbrotamanna. Þetta kemur fram í þættinum Forystusætið sem er á dagskrá RÚV í kvöld.

Í þættinum kemur meðal annars fram að Benedikt segir koma til greina að mynda ríkisstjórn með Sjálfstæðisflokki, í ljós hafi komið að of bratt hafi verið farið við stjórnarslit og að Sjálfstæðisflokkurinn sé búinn að gefa nauðsynleg svör í tengslum við uppreist æru.

Helstu áherslur Viðreisnar

Viðreisn var stofnuð í maí í fyrra og fékk rúm tíu prósent atkvæða og sjö menn kjörna í Alþingiskosningunum í fyrra. Fylgi flokksins hefur hins vegar dalað jafnt og þétt undanfarna mánuði og hann mælist nú með aðeins þriggja prósenta fylgi. Verði það niðurstaða kosninganna næði flokkurinn ekki manni á þing. 

Hvaða mál ætlar Viðreisn að setja á oddinn, til þess að auka fylgi sitt fram að kosningum, og með hverjum vilja þeir starfa? Benedikt Jóhannsson, situr fyrir svörum, en þáttinn í heild sinni er að finna hér að neðan.

Mynd: RÚV / RÚV

Formenn allra flokka sem bjóða fram til Alþingis 2017 eru teknir tali í þáttunum Forystusætinu sem birtir eru á ruv.is og sýndir á RÚV að loknum fréttum kl. 22. 

Á kosningavef RÚV má finna frekari upplýsingar um dagskrá RÚV fram að kosningum, bera saman skoðanakannanir, kynna sér framboðin og fleira sem tengist alþingiskosningunum 2017.