Saga Spilverks þjóðanna – seinni hluti

Mynd: RÚV / RÚV

Saga Spilverks þjóðanna – seinni hluti

26.12.2018 - 12:40

Höfundar

Spilverk þjóðanna er ein almerkasta hljómsveitin í íslenskri tónlistarflóru og sögu hennar eru gerð góð skil í tveimur nýjum þáttum í jóladagskrá Rásar 2. Viðmælendur eru liðsmenn Spilverksins og fara þau yfir söguna í tali og tónum.

Spilverk þjóðanna var stofnað 1974 í Menntaskólanum við Hamrahlíð. Það er skipað Valgeiri Guðjónssyni, Sigurði Bjólu Garðarssyni, Agli Ólafssyni og Sigrúnu „Diddú“ Hjálmtýsdóttur. Tónlist Spilverksins einkenndist mestan partinn af órafmögnuðum hljóðfærum og skemmtilegri textagerð.

Spilverksliðar skilgreidu gjarnan tónlist sína sem „handknúna kammermúsík með rokkívafi” en kassagítarar, kontrabassi og ýmislegt slagverk var oftar en ekki í forgrunni. Spilverk þjóðanna starfaði frá 1974 til 1979.

Hlusta má á seinni þáttinn með því að smella á myndina efst í færslunni.