Athugið þessi frétt er meira en 5 ára gömul.

Rúta valt við Langasjó

26.06.2016 - 20:27
Mynd með færslu
 Mynd: Jóhannes Jónsson - RUV.IS
Lítil rúta með 11 farþegum valt við Langsjó sem liggur á milli Tungnár- og Fögrufjöll í Vestur-Skaftafellssýslu. Farþegarnir hlutu einungis minniháttar meiðsl og er björgunaraðgerðum lokið.

Í samtali við fréttastofu sagði Jón Hermannsson, björgunarsveitarmaður að björgunarsveitir frá Kirkjubæjarklaustri, Vík, Hvolsvelli og Hellu hefðu verið allar kallaðar út vegna veltunar um klukkan hálffjögur í dag. Ekki hefði legið strax fyrir hvernig ástand farþega eða hvað margir þeir væru. Þrátt fyrir að ekki sé búið að opna veginn að Langasjó þá hafi björgunarsveitir verið fljótar á vettvang. Þær voru komnar tveimur tímum eftir útkall.

Jón sagði að veður hefði verið gott á svæðinu og enginn hefði verið alvarlega slasaður. Rútan hefði oltið á hliðina og farþegar hefðu komið sér fyrir og beðið björgunarsveita. Aðgerðum á svæðinu er lokið og farþegar komnir til byggða.  

Langisjór er í 670 metra hæð suðvestan við Tungnár- og Skaftárjökul

Gunnar Sigurðarson
Fréttastofa RÚV