Röð laganna í Söngvakeppninni 2019

Mynd með færslu
 Mynd:

Röð laganna í Söngvakeppninni 2019

23.02.2019 - 13:30

Höfundar

Búið er að ákveða í hvaða röð lögin verða í úrslitum Söngvakeppninnar 2019. Úrslitin eru laugardaginn 2. mars og fimm lög keppa um þátttöku fyrir Íslands hönd í Eurovision-keppninni í Ísrael.

Röð laganna ásamt því kosninganúmeri sem notað verður í símakosningunni:

Hvað ef ég get ekki elskað? – Friðrik Ómar – 900-9901
Mama said – Kristina Bærendsen – 900-9902
Fighting for love – Tara Mobee – 900-9903
Moving on – Hera Björk – 900-9904
Hatrið mun sigra – Hatari – 900-9905

Kosið í tveimur umferðum

Kosningin verður í tveimur hlutum eins og undanfarin ár. Í fyrri kosningunni stendur valið á milli allra laganna fimm. Alþjóðleg dómnefnd hefur helmings vægi á móti símakosningu almennings. Í fyrri kosningunni kemur ljós hvaða tvö lið fara í einvígi.

Í seinni hluta kosningarinnar verður valið á milli laganna tveggja í einvíginu og þá gildir aðeins símakosning almennings. Atkvæði sem þessi efstu tvö lög fá í fyrri kosningunni, frá almenningi og dómnefndinni, fylgja þeim inn í seinni kosninguna.

Það verður því stigahæsta lag kvöldsins sem sigrar og verður framlag Íslendinga í Eurovision söngvakeppninni í Tel Aviv í maí.

Mikið um dýrðir

Keppnin verður í beinni útsendingu á RÚV og hefst kl. 19.45 laugardaginn 2. mars. Mikið verður um dýrðir, en meðal þeirra sem koma fram eru þau Ari Ólafsson, sigurvegari Söngvakeppninnar í fyrra, og Eleni Foureira sem varð í öðru sæti fyrir hönd Kýpur í Eurovision 2018.

 

Tengdar fréttir

Tónlist

Eurovision á fyrst og fremst að sameina

Tónlist

Þessi lög keppa til úrslita í Söngvakeppninni

Tónlist

Sjáðu Bríeti syngja Euphoriu

Popptónlist

Eurovisionsviðið innblásið af Davíðsstjörnunni