Athugið þessi frétt er meira en 8 ára gömul.

Rannsókn á deildu.net á frumstigi

12.09.2013 - 14:39
Mynd með færslu
 Mynd:
Rannsókn á skráaskiptasíðunni deildu punktur net er á frumstigi, að sögn Friðriks Smára Björgvinssonar, yfirmanns rannsóknarlögreglu höfuðborgarsvæðisins.

Greint var frá því nýverið að skráarskiptasíðan hefði breytt reglum sínum og að nú væri notendum leyft að deila íslensku efni: tónlist, kvikmyndum og sjónvarpsþáttum.  Deildu.net hefur verið starfrækt í nokkur ár og hingað til hefur einungis erlendu höfundavörðu efni verið deilt þar.

Snæbjörn Steingrímsson, framkvæmdastjóri Smáís, samtaka myndréttarhafa, sagði í fréttum RÚV í liðnum mánuði að starfsemi síðunnar væri stríðsyfirlýsing við skapandi greinar á Íslandi. Þá undraðist Snæbjörn að ekki væri búið að gefa út ákæru á hendur forsvarsmönnum síðunnar.