Athugið þessi frétt er meira en 4 ára gömul.

Ótrúlegt að þeir dæmi útlit og atgervi kvenna

29.11.2018 - 12:51
Mynd:  / 
Áslaug Arna Sigurbjörnsdóttir, þingmaður Sjálfstæðisflokksins, segir ótrúlegt að þingmenn úr röðum Miðflokksins og Flokks fólksins dæmi útlit og atgervi kvenna sem þeir starfa með á þingi.

„Það er auðvitað bara þeirra að svara fyrir þessi ummæli sín. Það er ótrúlegt að svona menn sem eru auðvitað sigurvegarar sjálfir í fegurðarsamkeppni séu að dæma um útlit og atgervi þingkvenna, sem þeir starfa með,“ segir Áslaug Arna.

Fjölmiðlarnir DV og Stundin hafa í gærkvöld og í dag birt fréttir af samtölum þingmanna úr Miðflokknum og Flokki fólksins. Fjölmiðlarnir segjast hafa upptökur undir höndum þar sem komi fram margvísleg ummæli þingmannanna sem fari niðrandi orðum um aðra þingmenn, einkum og sér í lagi konur á þingi.