Mynd:
Athugið þessi frétt er meira en 9 ára gömul.
Nefnd um þjóðaröryggisstefnu
Össur Skarphéðinsson utanríkisráðherra hefur skipað nefnd sem á að móta þjóðaröryggisstefnu fyrir Ísland eins og kveðið er á um í þingsályktun sem samþykkt var á Alþingi í haust. Í nefndinni sitja fulltrúar allra þingflokka en formaður er Valgerður Bjarnadóttir alþingismaður.
Aðrir nefndarmenn eru alþingismennirnir Mörður Árnason, Magnús Orri Schram, Einar K. Guðfinnsson, Ragnheiður Elín Árnadóttir, Árni Þór Sigurðsson, Guðfríður Lilja Grétarsdóttir, Eygló Harðardóttir, Gunnar Bragi Sveinsson og Birgitta Jónsdóttir.
Samkvæmt tilkynningingu frá utanríkisráðuneytinu er hlutverk nefndarinnar að fjalla um og gera tillögur um stefnu sem tryggi þjóðaröryggi Íslands á grundvelli her- og vopnleysis. Við mótun stefnunnar á nefndin að taka mið af áhættumatsskýrslu fyrir Ísland frá árinu 2009, stofnsáttmála Sameinuðu þjóðanna og öðrum alþjóðlegum skuldbindingum Íslands, samþykktum Alþingis um stefnu Íslands í afvopnunarmálum og frumvarpi til laga um friðlýsingu Íslands fyrir kjarnorkuvopnum og bann við umferð kjarnorkuknúinna farartækja.
Nefndin skilgreini meginforsendur stefnunnar og setji fram tillögur um markmið og leiðir til að ná þeim.
