Athugið þessi frétt er meira en 3 ára gömul.

Mikil brennisteinslykt við Sólheimajökul

21.11.2018 - 12:09
Mynd með færslu
 Mynd: RÚV
Mikil brennisteinslykt er nú við Sólheimajökul og Jökulsá á Sólheimasandi. Mjög hægur vindur er á svæðinu og verður næstu daga þannig að gas getur safnast fyrir í lægðum, segir í tilkynningu frá Veðurstofunni.

Þar segir jafnframt að engar markverðar breytingar séu á vatna-, jarðskjálfta- eða gasmælum Veðurstofunnar á þessu svæði. Fólki er ráðlagt að halda sig frá lægðum í landslagi og vera ekki nálægt Jökulsá á Sólheimasandi.

Jón Hákon Halldórsson
Fréttastofa RÚV