Athugið þessi frétt er meira en 2 ára gömul.

Mikið magn af landa, sterum og kannabisplöntum

04.09.2019 - 08:23
Mynd með færslu
 Mynd: Birgir Þór Harðarson
Lögreglan á suðurnesjum hefur lagt hald á mikið af landa, sterum og kannabisplöntum sem fundust á sunnudag, þegar þar var gerð húsleit að fenginni heimild.

Jafnframt voru á staðnum eimingartæki til áfengisframleiðslu. Samkvæmt tilkynningu frá lögreglunni blasti við, þegar inn var komið, fáeinar kannabisplöntur í pottum og aðrar sömu tegundar sem vafið hafði verið inn í handklæði. Kannabisfræ fundust einnig.

Þá fundust tugir steraskammtar í vökvaformi. Rúmlega tuttugu hálfs lítra flöskur með landa voru einnig haldlagðar svo og ein glerkrús með krana. Loks fundust tvær stórar fötur, einnig með landa í. Tveir karlmenn voru handteknir og hafa þeir verið yfirheyrðir.

milla.osk's picture
Milla Ósk Magnúsdóttir
Fréttastofa RÚV