Athugið þessi frétt er meira en 2 ára gömul.

Miðflokkurinn bætir við sig fylgi

01.04.2019 - 22:00
Mynd með færslu
 Mynd: FÚV - RÚV
Miðflokkurinn bætir við sig fylgi samkvæmt Þjóðarpúlsi Gallups, annars helst fylgi flokkar lítt breytt.

 

Sjálfstæðisflokkurinn mælist með 25% fylgi líkt og í síðasta Þjóðarpúlsi fyrir mánuði. Samfylkingin er næst stærsti flokkurinn með 15,9% fylgi, og fylgi Vinstri hreyfingarinnar græns framboðs og Pírata mælist jafnt. 11,6%.  Fylgi Viðreisnar mælist nú 10,%, en Framsóknarflokkur og Miðflokkurinn mælast jafn stórir í þessari könnun með 9% fylgi, en Miðflokkurinn bætir við sig rúmlega tveimur prósentustigum milli mánaða. Flokkur fólksins, sem er nú með tvo þingmenn, kæmi ekki manni að ef þetta yrði niðurstaða kosninga, flokkurinn mælist með 3,7% fylgi. Fylgið við Sósíalistaflokkinn mælist þrjú og hálft prósent.

Einnig var spurt um fylgi við ríkisstjórnina og mælist það nærri 48%, sem er svipað og mældist fyrir mánuði. Nánar má lesa um könnunina á ruv.is.

Rúmlega 13% sögðust myndu skila auðu eða ekki kjósa, ef kosið yrði til Alþingis í dag og nærri 10% neituðu að gefa upp afstöðu sína. 

Könnunin var netkönnun, gerð dagana 1. til 31. mars og var heildarúrtakið 6.705 og þátttökuhlutfall 55,4%. Vikmörkin á fylgi flokkann eru 0,2 til 1,6% og voru svarendur handahófsvaldi úr Viðhorfahópi Gallup
 

 

holm's picture
Haukur Holm
Fréttastofa RÚV