Menningarviðurkenningar RÚV afhentar í dag

Mynd með færslu
 Mynd: RÚV

Menningarviðurkenningar RÚV afhentar í dag

06.01.2017 - 12:11

Höfundar

Í dag verða menningarviðurkenningar RÚV afhentar. Þetta er í annað sinn sem RÚV heldur sérstaka hátíð þar sem veitt er úr menningarsjóðum Ríkisútvarpsins.

Þar verða veittar viðurkenningar úr Rithöfundasjóði og styrkir úr Tónskáldasjóði Ríkisútvarpsins. Auk þess veitir Rás 2 Krókinn, verðlaun fyrir framúrskarandi lifandi flutning árið 2016 og tilkynnt um val á orði ársins. Athöfnin fer fram í Útvarpshúsinu við Efstaleiti kl. 16:00.

Menningarsjóðir á vegum RÚV hafa verið starfræktir í fjölda ára, þeir elstu í meira en 60 ár. Á vegum RÚV eru starfræktir þrír sjóðir, Rithöfundasjóður, Tónskáldasjóður Ríkisútvarpsins og Leiklistarsjóður Þorsteins Ö. Stephensen. Markmiðið með þeim er að  efla menningarlífið  í landinu með fjárframlögum til listamanna.