Meintur HIV smitberi í varðhald

23.07.2015 - 15:59
Mynd með færslu
 Mynd: RÚV
Nígeríski karlmaðurinn sem grunaður er um að hafa smitað konur af HIV hefur verið úrskurðaður í gæsluvarðhald til 20. ágúst. Lögreglan á höfuðborgarsvæðinu rannsakar málið í samvinnu við sóttvarnarlækni.

Héraðsdómur Reykjavíkur hefur úrskurðað manninn í varðhald að kröfu lögreglunnar á höfuðborgarsvæðinu. Í tilkynningu sem lögregla sendi frá sér fyrr í dag kemur fram að meðal annars sé verið að rannsaka hvort fleiri konur kunni að hafa verið í samneyti við manninn og hvort þær séu smitaðar. 

Í tilkynningunni er aðeins talað um alvarlegan smitsjúkdóm. Haraldur Briem sóttvarnarlæknir staðfestir við fréttastofu að grunur leiki á HIV-smiti af völdum mannsins. 

Fréttastofa hefur fengið staðfest að maðurinn sé nígerískur hælisleitandi en Vísir greindi frá því

Hrefna Rós Matthíasdóttir
Fréttastofa RÚV
Síðast:
Þessi þáttur er í hlaðvarpi