Athugið þessi frétt er meira en 3 ára gömul.

Lögregla lýsir eftir strokufanga

17.04.2018 - 09:35
Mynd með færslu
Sindri Þór Stefánsson. Mynd: Lögreglan
Lögreglan á Suðurnesjum lýsir eftir Sindra Þór Stefánssyni sem strauk frá fangelsinu að Sogni í nótt. Sindri hefur sætt gæsluvarðhaldi síðan 2. febrúar síðastliðinn vegna rannsóknar lögreglu á umfangsmiklum þjófnaði á tölvubúnaði. 

Í tilkynningu lögreglu segir að Sindri sé íþróttamannslega vaxinn með skolleitt hár, skegghýjung og 192 cm að hæð.  Samkvæmt fyrirliggjandi upplýsingum strauk Sindri frá Sogni klukkan eitt í nótt. 

Allir þeir sem geta veitt upplýsingar um ferðir Sindra síðan klukkan eitt í nótt eru beðnir um að koma þeim upplýsingum á framfæri við lögreglu.