Lifun tilnefnt til Prix Europa

Mynd með færslu
 Mynd: RÚV

Lifun tilnefnt til Prix Europa

01.09.2017 - 09:22

Höfundar

Uppsetning Útvarpsleikhússins á framhaldsleikritinu Lifun eftir Jón Atla Jónasson er tilnefnt til evrópsku ljósvakaverðlaunanna Prix Europa í flokki leikinna útvarpsverka. Þetta er í annað sinn sem útvarpsleikrit eftir Jón Atla er tilnefnt í þessum flokki en verk hans Djúpið hlaut þriðju verðlaun á Prix Europa árið 2011.

Lifun fjallar um alræmdasta sakamál Íslandssögunnar; rannsóknina á hvarfi Guðmundar og Geirfinns Einarssona. Í verkinu er upptökum, flestum frá þeim tíma er rannsókn málsins fór fram og viðtölum við þá sem tengdust málinu, blandað saman við leiktexta. Má því segja að um sé að ræða leikverk með heimildum. um rannsókn sakamálsins og einblínir að miklu leyti á gæsluvarðhaldsvist sakborninga í málinu, harðræði í Síðumúlafangelsinu, áhrif einangrunarvistar og samskiptaleysi milli sakborninga og verjenda þeirra í málinu sem er fáheyrt í vestrænum lýðræðisríkjum.

Tónlist: Elvar Geir Sævarsson og Kristján Sigmundur Einarsson.

Hljóðvinnsla: Einar Sigurðsson.

Leikstjóri: Stefán Hallur Stefánsson

Leikendur:

Atli Rafn Sigurðarson, Vigdís Hrefna Pálsdóttir, Stefán Jónsson,Snorri Engilbertsson, Oddur Júlíusson, Harpa Arnardóttir, Baldur Trausti Hreinsson, Þórir Sæmundsson, Walter Geir Grímsson, Hilmir Jensson, Íris Tanja Ívarsdóttir Flygenring og Vera Illugadóttir