RÚV okkar allra
Hér upplýsum við um starfsemina, bjóðum upp á samtal og svörum spurningum þínum

Krakkafréttir hefjast á RÚV

Mynd með færslu
 Mynd: RÚV
Mánudaginn 2. nóvember hefst nýr fréttatengdur þáttur fyrir börn, Krakkafréttir, á RÚV. Þátturinn verður á dagskrá mánudaga til fimmtudaga kl. 18:50. Umsjónarmenn þáttarins eru Guðmundur Björn Þorbjörnsson og Ísgerður Elfa Gunnarsdóttir.

Í Krakkafréttum er fjallað um málefni líðandi stundar á auðskilinn og greinargóðan hátt og heimsfréttirnar settar í samhengi við veruleika íslenskra barna. Tekið er á stóru málunum og þau krufin og útskýrð á þann hátt að allir skilji. Menningu og listum eru gerð góð skil í Krakkafréttum ásamt íþróttum, vísindum o.fl.

Mikil áhersla er lögð á að raddir barna heyrist í Krakkafréttum og verður innsendu efni frá börnum gert hátt undir höfði. Á vefsvæði Krakkafrétta á KrakkaRÚV.is er á einfaldan hátt hægt að deila myndskeiðum og ljósmyndum og senda inn hugmyndir að umfjöllunarefni. Þannig geta allir krakkar hjálpað til við móta frábæran fréttaþátt fyrir krakka.