Athugið þessi frétt er meira en 4 ára gömul.

Kanna möguleika á björgunarfargjöldum

28.03.2019 - 09:28

Innlent · Wow air · Viðskipti · Samgöngumál

Mynd:

Flugmálayfirvöld ætla að kanna vilja annarra flugfélaga til að aðstoða farþega Wow með björgunarfargjöldum. Þetta kemur fram í yfirlýsingu frá Samgöngustofu og segir að upplýsingum verði komið á framfæri við farþega jafnóðum og þær liggja fyrir. Farþegum er líka bent á að kanna möguleika á flugi hjá öðrum flugfélögum

Í fréttatilkynningu Samgöngustofu segir þetta um réttindi flugfarþega:

Farþegum sem keyptu flugmiða með kreditkorti er bent á að hafa samband við útgefanda kortsins til að kanna möguleika á að fá flugmiðann endurgreiddan.
Farþegar sem keyptu ferðina af evrópskum ferðaskipuleggjanda sem seldi flugmiðann sem hluta af svokallaðri alferð (þ.e. samsettri ferð þar sem flug er selt ásamt gistingu eða öðrum þjónustuþáttum) eiga rétt á heimflutningi á grundvelli samevrópskra reglna um alferðir. Farþegum er bent á að hafa samband við þann ferðaskipuleggjanda sem þeir keyptu ferð sína af.
Farþegar kunna jafnframt að eiga kröfu á hendur WOW AIR, m.a. á grundvelli reglugerðar um réttindi flugfarþega.
Þegar um gjaldþrot er að ræða þarf að lýsa slíkum kröfum í þrotabú flugrekandans.

Hér má lesa tilkynningu til farþega Wow Air á vef Samgöngustofu. Og hér er yfirlitssíða um réttindi flugfarþega.