Athugið þessi frétt er meira en 9 ára gömul.

Kabila lýstur sigurvegari í Kongó

09.12.2011 - 15:59
Mynd með færslu
 Mynd:
Joseph Kabila, forseti Kongó, hefur verið lýstur sigurvegari forsetakosninganna í landinu á dögunum. Kjörstjórn birti í dag úrslit kosninganna og sagði að Kabila hefði fengið 49 prósent, en helsti keppinautur hans Etienne Tshisekedi rúm 32 prósent.

Tshisekedi kvaðst  hinsvegar í dag ekki una þessari niðurstöðu og lýsti sig réttkjörinn forseta landsins. Andstæðingar Kabila eru sagðir hafa kveikt í hjólbörðum á götum út í höfuðborginni Kinshasa  eftir að úrslit voru kynnt og kastað grjóti að lögreglu. Þá heyrðust skothvellir í borginni undir kvöld.